Lajme

Pasojat e COVID-19, OKB: Numri i të varfërve ekstremë në botë mund të kalojë një miliard

Pasojat e COVID-19, OKB: Numri i të varfërve ekstremë në botë mund të kalojë një miliard
14:13 | 14 Qershor 2020

Dëmi ekonomik, i shkaktuar nga pandemia COVID-19, mund t’i fusë edhe 400 milionë njerëz në varfëri ekstreme, thuhet në raportin e ri të Kombeve të Bashkuara, i cili paraqet disa skenarë për vlerësimin e ndikimit të Coronavirusit në të ardhurat botërore.

Në skenarin më të keq – humbje për 20 për qind e të ardhurave për kokë banori – numri i atyre që jetojnë me 1.90 dollar në ditë mund të rritet në më shumë se një miliard. Për më shumë se 3.7 miliardë njerëz – mbi gjysmën e popullsisë së botës – të ardhurat po ashtu mund të bien nën 5.50 dollarë në ditë.

“Perspektiva për më të varfërit në botë duket e zymtë nëse qeveritë nuk bëjnë më shumë për ta. Përparimi në zvogëlimin e varfërisë mund të kthehet 20 deri në 30 vjet prapa dhe ta bëjë ëndërr qëllimin e Kombeve të Bashkuara për t’i dhënë fund kësaj dukurie”, tha Andy Sumner, një nga autorët e raportit, përcjell Telegrafi.

Mbi 432 mijë viktima dhe 7.8 milionë të infektuar me COVID-19 në botë.
Miliona njerëz në botë kanë humbur vendet e punës për shkak të pandemisë COVID-19, e cila ka detyruar mijëra biznese të ndalojnë operimet.

Sëmundja COVID-19, që e shkakton Coronavirusi, ka prekur mbi 7.8 milionë njerëz në botë, prej tyre, mbi 3.5 milionë janë shëruar dhe mbi 430 kanë vdekur.

Comodita nis 35 kontejnerë me dyshekë për në SHBA

Të tjera