Ekonomi

Pasojat e COVID-19/ Miliona euro më pak remitenca në muajin mars nga diaspora

Pasojat e COVID-19/ Miliona euro më pak remitenca në muajin mars nga diaspora
17:31 | 26 Qershor 2020

Derisa në janar dhe shkurt të këtij viti dërgesat financiare nga diaspora kosovare shënuan rritje prej 1.3 për qind, një muaj më vonë (mars) të njejtat pësuar rënie drastike prej rreth 14 për qind, muaj ky kur rastet me COVID-19 në gjithë botën filluan të rriten, përderisa aktiviteti ekonomik kishte rënë dukshëm, raporton portali “Front Online”.

Sipas një raporti të Bankës Qendrore të Kosovës (BQK) shuma e përgjithshme e remitencave të dërguara gjatë tre mujorit të parë të këtij viti kaloj shifrën prej 187.3 milionë euro, përderisa rënie e theksuar u vërejt në muajin mars(-14%).

BQK-ja ka bërë të ditur se remitencat që pranohen në Kosovë kryesisht vijnë nga Gjermania dhe Zvicra. Një pjesë e konsiderueshme e remitencave është pranuar edhe nga SHBA-të, gjegjësisht 7.3 përqind e remitencave të përgjithshme të pranuara në Kosovë.

Përndryshe, vlera e përgjithshme e remitencave të pranuara vitin e kaluar në Kosovë kishte kaluar shifrën prej 800 milionë euro.

Zyrtarë të Bankës Qendrore të Kosovës kanë bërë të ditur se për shkak të COVID-19, remitencat nga diaspora këtë vit pritet të pësojnë rënie drastike dhe një rënie e tillë do të ketë efekte negative në ekonominë e vendit. /Front Online/

 

 

Kush ështe kosovari THE VICTOR që synon tregun e jashtëm? (video)

Të tjera