Në orën 05:30 të mëngjesit të ditës së sotme është parandaluar në Vërmicë një rast i kontrabandës me emigrant.
Policia, përmes një komunikate për media ka njoftuar se ka ndaluar një automjet dhe se aty janë gjetur gjashtë emigrantë ilegal. Tre shtetas sirian dhe tre nga Bangladeshi.
Ndërsa, i dyshuari mashkull kosovar 45 vjeç është ndaluar dhe për këtë rast është njoftuar prokurori kujdestar./Front Online
Komunikata e plotë:
Parandalohet nja rast i kontrabandës me emigrant
Sot, më 05.07.2022 rreth orës 05:30, patrulla policore nga Stacioni Policor për Mbikëqyrjen e Kufirit Vërmicë, ka ndaluar një automjet, (auto-ambulancë) me targa vendore dhe gjatë kontrollimit, në automjet janë hasur gjashtë emigrantë ilegal (tre shtetas Sirian dhe tre shtetas nga Bangladeshi).
I dyshuari mashkull, shtetas kosovar, i moshës 45 vjeçare është ndaluar dhe për këtë rast është njoftuar prokurori kujdestar i PTH Prizren.
Rasti do të trajtohet nga njësitet relevante policore dhe emigrantët do të trajtohen në bazë të procedurave.