[wp-story]

Lajme

Paralajmërohet shpërthimi i valës së re të Covid-19 në Kosovë

Paralajmërohet shpërthimi i valës së re të Covid-19 në Kosovë
10:12 | 05 Mars 2021

Kryeministri në detyrë i Kosovës, Avdullah Hoti ka kërkuar nga qytetarët e vendit që të zbatojnë plotësisht masat kundër Covid-19.

Në një takim që ka pasur me ministrin në detyrë të Shëndetësisë, Armend Zemajn, drejtorin e IKSHPK-së, Naser Ramadanin dhe me drejtorin e SHSKUK-së, Valbon Krasniqin, Hoti ka bërë më dije se , gjatë këtij muaji pritet të arrij kontingjenti i parë prej 33 mijë dozave të vaksinës COVAX.

Aty u tha që Kosova gjendet para një vale të re të shëprthimit të pandemisë Covid-19.

Komunikata e plotë:

Kryeministri në detyrë i Republikës së Kosovës, Avdullah Hoti, në takim me ministrin në detyrë të Shëndetësisë, Armend Zemaj, drejtorin e IKSHPK-së, Naser Ramadani dhe me drejtorin e SHSKUK-së, Valbon Krasniqi, ka biseduar për situatën epidemiologjike kundër COVID-19.

Pasi që vendi gjendet para një vale të re të shpërthimit të pandemisë COVID-19, u kërkua mirëmbajtja e masave në fuqi dhe respektimi i plotë i tyre. Ndërkohë që, institucionet shëndetësore janë duke punuar intensivisht për rritjen e kapaciteteve, sigurimin e barnave dhe rritjen e numrit të personelit mjekësor.

Nga shtabet komunale, policia, AVUK-u dhe Inspektoratet, u kërkua që të rrisin angazhimin për parandalimin, menaxhimin dhe kontrollin e infeksionit COVID-19 dhe në të njëjtën kohë të bëjnë respektimin rigoroz të masave në fuqi.

Po ashtu, nga të gjithë qytetarët u kërkua që të respektojnë distancën fizike, të përdorin  maskat, të bëhet dezinfektimi dhe ajrosja e lokaleve, duke pamundësuar përhapjen eventuale të infeksionit dhe shmangien e përhapjes në hapësirat e mbyllura.

Sa i përket furnizimit me vaksina, gjatë këtij muaji pritet të arrij kontingjenti i parë prej 33 mijë dozave të vaksinës COVAX. Nga ky mekanizëm Kosova do të përfitojë 100 mijë e 800 doza të vaksinës anti COVID-19, ndërkohë që janë duke u zhvilluar negociata intensive edhe me prodhues të tjerë për të siguruar numrin e nevojshëm të vaksinave me qëllim të imunizimit të  plotë të popullsisë./Front Online/

Loja e madhe ka filluar nga 31 Janar dhe vazhdon deri me 2 Shkurt në Petrol Company

Të tjera