[wp-story]

Bota/Rajoni

Paralajmërimi i OBSH-së: Virusi është akoma vdekjeprurës dhe shpejtë po përhapet

Paralajmërimi i OBSH-së: Virusi është akoma vdekjeprurës dhe shpejtë po përhapet
09:40 | 20 Qershor 2020

Pandemia e coronavirusit është duke u përshpejtuar, me mbi 150 mijë raste të regjistruara gjatë ditës së djeshme në nivel global, që konsiderohet si shifra më e lartë brenda një dite, ka bërë të ditur kreu i Organizatës Botërore të Shëndetësisë, Tedros Adhanom Ghebreyesus, raporton Reuters.

Pothuajse gjysma e rasteve të raportuara kanë ndodhur në kontinentin e Amerikës, ka thënë ndër tjera gjatë një konference për media Ghebreyesus, transmeton Telegrafi.

“Bota është në fazën e re të rrezikut… virusi po vazhdon të përhapet shpejtë, është ende vdekjeprurës, kurse shumica e njerëzve janë ende të ndjeshëm ndaj kësaj”, ka shtuar i pari i OBSH-së.

Kujtojmë që coronavirusi u regjistrua për herë të parë në një treg të kafshëve në qytetin kinez Wuhan në dhjetor të vitit të kaluar, dhe prej atëherë me shpejtësi të madhe është përhapur pothuajse në tërë botën.

Petrol Company në muajin e shenjtë të Ramazanit, dhuron pako ushqimore per familjet nevojtare në qytetin e Vitisë

Të tjera