[wp-story]

Lajme

Përfundon seanca ndaj të arrestuarve për rastin “Subvencioni 2021”, mbrojtja kundërshton paraburgimin

Përfundon seanca ndaj të arrestuarve për rastin “Subvencioni 2021”, mbrojtja kundërshton paraburgimin
12:54 | 26 Shkurt 2021

Ka përfunduar seanca dëgjimore e 11 të akuzuarve për keqpërdorime me subvencione.

Pas seancës, Behar Ejupi, avokat i Pajtim Krasniqit që akuzohet për dy vepra penale, tha para mediave se kanë kundërshtuar kërkesën e Prokurorisë Themelore për caktimin e masës për paraburgim.

“Tani sapo ka përfunduar seanca e dëgjimore lidhur me kërkesën që ka ushtruar Prokuroria Themelore në Prishtinë për caktimin e paraburgimit edhe për klientin tim, Prokuroria pretendon se klienti im ka kryer dy vepra penale, dhënie e ryshfetit dhe keqpërdorim i pozitës zyrtare. Konsideron se ka prova të mjaftueshme, mbrojtja ka kundërshtuar këtë. Ndërsa kolegët tjerë po ashtu kanë kundërshtuar masën e paraburgimit. Tash Gjykata do të vendos”, tha ai.

Avokati tha se nuk janë plotësuar kushtet për paraburgim.

“Kemi kërkuar që nëse merret ndonjë masë, të jetë që të paraqiten një herë në javë në stacion policor”, tha ai.

Ndryshe, Prokuroria Themelore në Prishtinë, Departamenti i Krimeve të Rënda-Njësiti për Krime Ekonomike dhe Korrupsion ka kërkuar caktimin e paraburgimit për 11 të arrestuarit nga bastisjet e djeshme.

“Nga bastisja e realizuar më 24 shkurt 2021, në komunën e Prishtinës, Podujevës, Gjilanit, Istogut e Lipjanit, me aktvendim të Prokurorit të Shtetit, janë ndaluar personat me inicialet S.Sh., L.S., S.S., H.M., B.N., K.Z., A.U., D.A., P.K., Sh.K., K.B-S., ndërsa personi me inicialet A.N., vetëm është shoqëruar në stacionin policor dhe i njëjti është liruar në procedurë të rregullt. Nga kjo bastisje e realizuar janë konfiskuar: rreth 433,160.00 (katërqind e tridhjetë e tre mijë e njëqind e gjashtëdhjetë) euro, 600 (gjashtëqind) dollar, 200 (dyqind) franga, 275 (dyqind e shtatëdhjetë e pesë) lira turke, 15 (pesëmbëdhjetë) telefona, 8 (tetë) vetura, 1 (një) kompjuter, 5 (pesë) armë, 1 (një) USB dhe 1 (një) vulë”, thuhet në njoftimin për media nga Prokuroria Themelore në Prishtinë.

Petrol Company në muajin e shenjtë të Ramazanit, dhuron pako ushqimore per familjet nevojtare në qytetin e Vitisë

Të tjera