“Unë dëshiroj që udhëtimi im i fundit tokësor të përfundojë pikërisht në këtë vend të lashtë të kushtuar Virgjërës Mari, aty ku gjithmonë ndalesha për të lutur në fillim dhe në fund të çdo Udhëtimi Apostolik”, citohen nga bbc, fjalët e Papës

I njohur për thjeshtësinë e tij dhe shmangien e pompozitetit, Papa Françesku ka kërkuar që varri i tij të jetë pa zbukurime, me vetëm një mbishkrim të thjeshtë: “Franciscus”.

Sa i përket shpenzimeve të varrimit, Ati i Shenjtë ka theksuar se ato do të mbulohen nga një bamirës, i cili ka lënë donacionin përkatës që të transferohet në Bazilikën e Shën Mërisë së Madhe.