Lajme

Pagesat do të kryhen, ankuesit t`i drejtohen Komisionit për Ankesa

Pagesat do të kryhen, ankuesit t`i drejtohen Komisionit për Ankesa
21:04 | 19 Gusht 2020

Zëvendësministri i Financave, Agim Krasniqi, ka bërë të ditur se janë kthyer mbrapa mbi 3 mijë pagesa, siç thotë ai, për shkak të gabimeve kryesisht teknike tê vet aplikuesve, shkruan Front Online.

Megjithatë, ai siguron se këto pagesa do te kryhen sapo të njëjtit t`i rregullojnë këto probleme.

Veçse për këtë ata duhet t`i drejtohen tash dy Ministrive tjera, asaj të Punës dhe Ekonomisë.

E nëse as këtu nuk u bëhet zgjidhje, Krasniqi thotë, se aplikuesit mund të ankohen në Komisionin për ankesa.

Zëvendësministri i Financave jep detaje për pagesën e 170 eurove, kriza thellohet nëse nuk votohet Pakoja e Rimëkëmbjes Ekonomike

“I kemi përgatit informatat për Ministritë e linjës që me e gjetë mënyren se si të përmirësohen këto lista në mënyrë që të kryhen këto pagesa. Përfituesit nuk duhet t`i drejtohen Ministrisë së Financave, por në Ministritë e linjes, atë të Punës dhe Ekonomisë. Nëse prapë nuk kanë përgjigjie është  komisioni për ankesa. Procesi eshte i hapur”, dekaroi Krasniqi për Front Online.

Ai tha se kanë kërkuar që ky komision t`i shqyrtojë të gjitha ankesat brenda një afati dy javor.

Auto Mita me një mundësi të mirë për bizneset – për çdo veturë të re, SERVISI FALAS deri në 100…

Të tjera