×
  • Lajme
  • Lajme

    Osmani sot ia dorëzon ligjin për pandeminë Thaçit, a do ta shpallë presidenti?

    FrontOnline
    17 Gusht 2020

    Kryetarja e Kuvendit, Vjosa Osmani e ka nënshkruar ligjin për luftimin e pandemisë COVID 19. Këtë ligj që do të rregullojë anën ligjore për parandalimin dhe luftimin e pandemisë sot administrata e Kuvendit do ta dorëzojë në Presidencë. Ende nuk dihet nëse i pari i shtetit, Hashim Thaçi do të shpallë këtë ligj, apo, do ta kthejë përsëri te deputetët, shkruan Gazeta Express.

    Kryeparlamentarja Vjosa Osmani e ka nënshkruar ligjin për pandeminë, që ditë më parë është votuar edhe në lexim të dytë në Kuvend të Kosovës.

    Lajmin e ka konfirmuar, Artan Murati këshilltar i kryeparlametares Vjosa Osmani.

    Nga kabineti i Osmanit kanë thënë për gazetën se ligji do të dorëzohet nga Kuvendi sot në Presidencë.

    “Kryetarja e Kuvendit ka nënshkruar ligjin në fjalë dhe i njëjti do të dorëzohet sot në presidencë nga administrata e Kuvendit”, ka thënë Murati, duke shtuar se nuk ka pasur vonesa në nënshkrim të ligjit.

    “Nuk ka ndonjë vonesë në nënshkrim. Seanca e së premtes ka përfunduar në orët e vona të natës, rrjedhimisht administrata nuk ka arritur që ta përfundojë punën në amandamente dhe ta përgatis për nënshkrim atë natë. Sot ka përfunduar puna e administratës dhe Kryetarja e ka nënshkruar ligjin”, thonë nga zyra e kryeparlamentares, duke shtuar se sapo të përfundojë përkthimi i materialit, do të përcillet te presidenti për nënshkrim.

    “S’ka asnjë vonesë, sepse as një ditë e plotë pune nuk ka kaluar nga seanca e së premtes”, ka thënë këshilltari i kryeparlamentares.

    Se në presidencë nuk ka arritur ende për nënshkrim ligji për pandeminë e kanë konfirmuar sot gjatë ditës për Express edhe nga kabineti i të parit të shtetit. Megjithatë, nuk kanë sqaruar qëndrimin e tyre karshi këtij ligji, e nëse ekziston mundësia që ta kthejnë përsëri në Kuvend.

    Presidenti i Kosovës, Hashim Thaçi mund të mos e nënshkruajë ligjin, duke vendosur kështu që i njëjti të kthehet përsëri te deputetët.

    Nga KDI thonë se Thaçi pas dorëzimit nga Kuvendi ka kohë 8 ditë që të vendos nëse do ta shpallë ose jo.

    “Pas miratimit në lexim të dytë të projektligjit për parandalimin dhe luftimin e pandemisë javën e kaluar, ka filluar rrjedhja e afateve ligjore për hyrjen në fuqi të këtij ligji. Që nga e premtja, kur u votua ky projektligj, Kryetarja e Kuvendit ka 10 ditë kohë që të nënshkruaj versionin e konsoliduar të ligjit, që përfshin edhe rreth 30 amandamentet e miratuara gjatë leximit të dytë. Pas nënshkrimit, ligji dërgohet për shpallje tek Presidenti i vendit, i cili do të ketë kohë 8 ditë që ta shpallë atë, apo eventualisht t’ia kthejë Kuvendit për rishqyrtim”, ka thënë për , Eugen Cakolli nga KDI.

    “Sidoqoftë, marrë parasysh rëndësinë e hyrjes sa më të shpejtë në fuqi të këtij ligji, si dhe meqenëse votimi i projektligjit është bërë duke reflektuar konsensus të gjerë politik dhe nuk janë shfaqur kundërshtime ndaj përmbajtjes së tij, pres që të mos konsumohen afatet maksimale për shpalljen e këtij ligji, as nga Kryetarja e Kuvendit, e as nga Presidenti i vendit”, thotë Cakolli.

    Sipas ligjit, presidenti i Kosovës ka të drejtë vetëm një herë që ta kthejë ligjin në Kuvend, derisa, nëse nuk e nënshkruan herën e dytë atë, ai shpallet në Gazetë Zyrtare dhe bëhet i vlefshëm pesëmbëdhjetë ditë pas publikimit nëse me ligj nuk përcaktohet ndryshe. Presidenti ende nuk e ka sqaruar nëse do ta shpallë të njejtin.

    Deputetët e Kuvendit të Kosovës të premten kanë miratuar në lexim të dytë ligjin për parandalimin dhe luftimin e pandemisë COVID 19, që ishte propozuar nga një grup prej gjashtë deputetëve, në krye me kryetaren e Kuvendit, Vjosa Osmani.

    Ligji ka vetëm tetë nene, derisa në të thuhet se ‘ligji ka për qëllim që të krijojë hapësirën e domosdoshme juridike për autoritetet me qëllim të luftimit dhe parandalimit të pandemisë”.

    Ky ligj që ka kaluar me 77 vota pro në Kuvend, rregullon anën ligjore për parandalimin dhe luftimin e pandemisë. Në bazë të tij, të gjithë personat që nuk vendosin maskë dhe nuk mbajnë distancë dënohen me nga 35 euro gjobë. Ata që nuk e respektojnë ndalim qarkullimin dënohen me 200 euro derisa, personat e infektuar apo dyshuar që nuk qëndrojnë në izolim dënohen me 500 euro gjobë.

    Në Kosovë aktualisht lidhur me situatën e pandemisë veprohet në bazë të Ligjit për parandalimin dhe luftimin e sëmundjeve ngjitëse. Në këtë ligj bazohen edhe dënimet në rast të mosrespektimit të vendimeve.

    Nga Rubrika
    Lajme18 Shkurt 2025
    Presidentja e Kosovës Vjosa Osmani, për nder të 17 vjetorit të Pavarësisë ka ndarë dekorata për disa familje e personalitete që ka...
    Lajme18 Shkurt 2025
    Ambasada e SHBA-së në Kosovë tha se me krenari e ka mbështetur rrugëtimin e Kosovës kur njoftoi për pjesëmarrjen e të ngarkuarës...
    Lajme18 Shkurt 2025
    Presidentja e Kosovës, Vjosa Osmani, në nder të 17 vjetorit të Pavarësisë së Kosovës, ka ndarë Dekorata Presidenciale për personalitete të shquara...
    Të tjera
    Lajme18 Shkurt 2025
    Zëvendëskryeministri Besnik Bislimi, ka folur lidhur me atë se çka kishte ndodhur me faqën e Komisionit Qendror të Zgjedhjeve, mbrëmjen e 9...
    Lajme18 Shkurt 2025
    Zëvendëskryeministri Besnik Bislimi, ka folur lidhur me atë se çka kishte ndodhur me faqën e Komisionit Qendror të Zgjedhjeve, mbrëmjen e 9...
    Lajme18 Shkurt 2025
    Zyrtarja e lartë e Ambasadës së SHBA-së, Anu Prattipati, e cila është edhe e ngarkuar me punën e ambasadores, ka qëndruar për...
    Lajme18 Shkurt 2025
    Kremlini tha të martën se është e drejtë sovrane e Ukrainës për të vendosur nëse dëshiron që të anëtarësohet në Bashkimin Evropian...
    Lajme18 Shkurt 2025
    Një mesazh urimi për Pavarësinë e Kosovës drejt presidentet Vjosa Osmani dhe qytetarëve, erdhi edhe nga El Salvadori. Presidenti I El Salvadorit,...
    Lajme18 Shkurt 2025
    Kryetari i Partisë Demokratike të Kosovës, Memli Krasniqi, ka pritur sot në takim ambasadorin e Bashkimit Europian në Kosovë, Aivo Orav. Krasniqi...

    FrontOnline, © 2025 Të gjitha të drejtat e rezervuara.