Presidentja e vendit, Vjosa Omani ka reaguar pas të dhënave që u publikuan nga Transparency International, ku Kosova u vlerësua me 39 pikë në luftimin e korrupsionit.

Përmes një postimi në llogarinë e saj në Facebook, Osmani e ka vlerësuar këtë si arritje të premtimit nga Qeveria Kurti.

“Gjatë vitit që lamë pas, Republika e Kosovës shënoi rritje prej 17 pozitave në publikimin e Indeksit të Perceptimit të Korrupsionit për vitin 2021 të Transparency International – ngritja më e lartë vjetore për Kosovën në historinë e publikimit të Indeksit”, ka shkruar Osmani.

Postimi i saj i plotë:

Para një viti premtuam që luftimi i korrupsionit do të ishte një prej prioriteteve kryesore të institucioneve të reja. Sot, ky premtim po sheh rezultatet e para jashtëzakonisht premtuese.

Gjatë vitit që lamë pas, Republika e Kosovës shënoi rritje prej 17 pozitave në publikimin e Indeksit të Perceptimit të Korrupsionit për vitin 2021 të Transparency International – ngritja më e lartë vjetore për Kosovën në historinë e publikimit të Indeksit.

Hap pas hapi, drejt çrrënjosjes së korrupsionit./FrontOnline/