[wp-story]

Kronika

Osmani pë Mikullovcin: Takimi që do të kishim këtë javë na mbeti peng, teatri humbi një njeri të madh

Osmani pë Mikullovcin: Takimi që do të kishim këtë javë na mbeti peng, teatri humbi një njeri të madh
09:43 | 15 Shtator 2020

Edhe kryetarja e Kuvendit të Kosovës, Vjosa Osmani ka reaguar pas vdekjes së Adem Mikullovcit, kështu duke thënë se takimi që do ta mbante këtë javë me të, mbeti peng.

Shkrimi i saj:

Sot me dhembje të thellë e mësova lajmin për ikjen nga kjo botë të klasikut të teatrit, mjeshtrit të skenës e ish-deputetit Adem Mikullovci.
Skena teatrore humbi njeriun e madh, i cili jetën e tij prej aktori nuk e ndante nga angazhimi qytetar, duke qenë delegat i përbërjes së Deklaratës së 2 Korrikut dhe Kushtetutës së Kaçanikut për ta përmbyllur angazhimin e tij politik në mandatin e kaluar si deputet i Kuvendit të Republikës së Kosovës.
Guximin e skenës teatrore e manifestoi në cilësinë e delegatit/deputetit, duke u bërë personifikim i njeriut kauza e të cilit është interesi qytetar.
Aktroi për publikun, siç edhe foli për mbrojtjen e interesit të tij!
Një takim përgjatë kësaj jave, ashtu siç ishim dakorduar, na mbeti peng Adem Mikullovci. Për pak nuk e bëmë përshëndetjen e fundit, sepse ti e mbylle perden!
Sot, vendi mbeti pa aktorin e politikanin e shquar, mbeti pa një zë kritik, i cili iku me dëshirën për një Kosovë më të mirë.
Mjeshtër, një është e sigurt; që ti do të mbetesh shenjë e kohës dhe që ne nuk do të pushojmë së punuari që këtë vend ta bëjmë siç deshte ti!
Sipari i Teatrit për TY u mbyll për prezencën fizike, porse jo për veprat që le pas!
Familjes e komunitetit artistik, ngushëllime!
Prehu në paqe Adem Mikullovci!

“M Sillosi” S’ka nëvojë për panik, grurë ka me bollëk

Të tjera