Presidentja e Kosovës, Vjosa Osmani gjatë vizitës së saj zyrtare në Slloveni është takuar me zëvendëkryetarin e Parlamentit të Sllovenisë, Danijel Krivec dhe kryetarin e Këshillit Kombëtar të Sllovenisë, Alojz Kovšca.
Në takim është dikustuar për bashkëpunimin në mes të dyja vendeve.
Presidentja Osmani, përmes një statusi në profilin e saj në rrjetin social Facebook, ka treguar se ka theksuar rëndësinë e anëtarësimit të Kosovës në organizata ndërkombëtare si dhe përkrahjen e nevojshme nga Sllovenia në këtë drejtim.
Postimi i saj i plotë:
Diplomacia parlamentare është gjithmonë në shërbim të përafrimit të dy vendeve dhe thellimit të bashkëpunimit strategjik në mes tyre.
Pata kënaqësinë të pritem në të dy Dhomat e parlamentit slloven, nga zëvendëkryetari i Parlamentit të Sllovenisë, z. Danijel Krivec dhe kryetari i Këshillit Kombëtar të Sllovenisë, z. Alojz Kovšca, me të cilët konfirmuam marrëdhëniet e shkëlqyeshme të Kosovës me Slloveninë dhe zotimin për thellimin e mëtejshëm të tyre. Në këtë kontekst, theksova rëndësinë e anëtarësimit të Kosovës në organizata ndërkombëtare si dhe përkrahjen e nevojshme nga Sllovenia në këtë drejtim. 🇽🇰🇸🇮
