×
  • Lajme
  • Lajme

    OSHP-ja jofunksionale/ Mbi 800 tenderë në vlerë prej 200 milionë € janë bllokuar

    FrontOnline
    25 Nëntor 2021

    Nga janari i këtij viti e deri më 24 nëntor mbi 800 tenderë në vlerë gati rreth 200 milionë euro janë bllokuar në Organin Shqyrtues të Prokurimit (OSHP).

    Shkak për këtë grumbullim kaq të madh të ankesave është mosfunksionalizimi i bordit të këtij institucioni, tash e tetë muaj.

    E numri i tyre mund të rritet edhe më shumë, ditëve në vijim.

    Kjo meqë gjatë seancës të së mërkurës, ani se u hodhën për votim, emrat e anëtarëve të rinj për bordin e Gjykatës së Tenderëve nuk morën votat e nevojshme.

    Votat e 52 deputetëve ishin të pamjaftueshme për të zgjedh Ardian Behren – kryetar të bordit e Hasim Krasniqin, Faruk Rexhen, Adem Spahiun dhe Ruzhdi Morinën – anëtarë të tij.

    Situata e krijuar po kritikohet nga disa kryetarë komunash.

    Smajl Latifi, që udhëheq me Rahovecin, thotë se vonesat e Qeverisë për kompletimin e bordit të OSHP-së janë të paarsyeshme.

    Të njëjtat, sipas tij, ia kanë zvarritur realizimin e dy projekteve komunale, për të cilat ka pasur ankesa aty.

    “Ankesat kurdo me i shqyrtu, kurdo me marr vendime. Nëse pyetem unë kisha bërë ndryshime të mëdha ligjore, kisha përcaktua afata më të qarta që nuk do të shkaktonin vonesa në dhënien e përgjigjes. Po vonohen projektet. Qeveria është vonu shumë. Janë të paarsyeshme sa muaj mos me pasë bord”, u shpreh Latifi.

    Kritika ka edhe kryekomunari tjetër, veçse i Obiliqit, Xhafer Gashi.

    Krahas vonesave në implementimin e projekteve, ai përmend edhe një telashe që po iu bëhet si komunë shkaku i mostrajtimit të lëndëve në OSHP.

    “Humbja e buxhetit. Po e pengon me u implementu projektet”, theksoi ai.

    Andaj ky ka një sugjerim për Qeverinë.

    “Me hjek komplet OSHP-në. Ato lëndë që janë kontestuese le të vazhdojnë nëpër Gjykata të trajtohen”, theksoi ai.

    Nuk është hera e parë që Gjykata e Tenderëve jetë pa bord.

    Ngjashëm kishte ndodhur edhe në vitin 2016 dhe në vitet 2013/14.

    Bllokada 7 muajshe ishte bërë shkak i grumbullimit të një numri të madh ankesash.

    Si ato të 2016-s si ato të 2013/14-s nuk u trajtuan fare nga bordet që erdhën, ani se kishte tenderë që ishin nënshkruar jashtëligjshëm.

    Front Online ka raportuar për tenderë kur komunat nuk e kanë pritur fare shqyrtimin e tenderit nga ana e OSHP-së.

    Ajo e Gjakovës kishte nënshkruar një të tillë në vlerë 4 milionë euro, pavarësisht se eksperti i OSHP-së i kishte kërkuar që ta rikthejë në rivlerësim shkaku i disa shkeljeve./Front Online/

    Prince Coffee House tani edhe në Vjenë të Austrisë
    Nga Rubrika
    Lajme29 Mars 2024
    Presidentja Vjosa Osmani ka falënderuar të gjithë ata që po e përkrahin Kosovën në procesin e anëtarësimit në Këshillin e Europës. Ajo...
    Lajme29 Mars 2024
    Ministri i Mbrojtjes i Italisë, Guido Crosetto, pas takimit me homologun kosovar, Ejup Maqedonci në Prishtinë, ka deklaruar se stabiliteti i Ballkanit...
    Lajme29 Mars 2024
    Ka dështuar të mbahet seanca e së premtes shkaku se ka munguar e pandehura Haxhere Berisha, e cila akuzohet bashkë me nëntë...
    Të tjera
    Lajme29 Mars 2024
    Tri seanca plenare do të mbahen në javën e ardhshme në Kuvendin e Kosovës. Kështu ka bërë të ditur shefja e grupit...
    Lajme29 Mars 2024
    Ambasadori i Kosovës në Kroaci, Martin Berishaj, po intervistohet nga Prokuroria e Speciale në Prishtinë. Sipas RTK-së, Berishaj gjendet në Prokurorinë Speciale...
    Lajme29 Mars 2024
    Instituti Kombëtar i Shëndetësisë Publike të Kosovës gjatë mbikëqyrjes permanente të situatës epidemiologjike në vend ka konstatuar një rritje të lehtë të...
    Lajme29 Mars 2024
    Shefi i grupit parlamentar i LDK-së, Arben Gashi, konsideron se sot është njëra ndër ditët më të këqija të parlamentarizmit në Kosovë....
    Sport29 Mars 2024
    Organizatori i Kampionatit Evropian, UEFA tha të enjten se do të dëgjojë trajnerët e ekipeve kombëtare nëse duan të zgjerojnë numrin e...
    Lajme29 Mars 2024
    Ministri i Mbrojtjes, Ejup Maqedonci, ka pritur në takim homologun e tij italian, Guido Crosetton, i cili është duke qëndruar për vizitë...

    FrontOnline, © 2024 Të gjitha të drejtat e rezervuara.