Lajme

Opozita kërkon raportimin në Kuvend të ish-gjykatësit të EULEX-it

Opozita kërkon raportimin në Kuvend të ish-gjykatësit të EULEX-it
15:02 | 21 Qershor 2021

Ish-gjyqtari i EULEX-it, Malcolm Simmons, më datë 3 qershor të këtij viti i ka nisur kryeministrit të Kosovës, Albin Kurtit, një dokument prej 25 faqesh me dëshmitë e tij, siç pretendon për skandalet e EULEX-it në Kosovë.

Simmons, përmes letrës së tij i ka kërkuar Kurtit që të raporton në Kuvendin e Kosovës, për këto skandale, por deri më tani nuk ka marrë një përgjigje nga Qeveria dhe Kuvendi i Kosovës.

Por, raportimin e tij në institucionet e vendit po e shohin të arsyeshëm deputetët e opozitës.

Ferat Shala, nga PDK-ja ka thënë për Front Online se raportimi i  Simmons në Kuvend do të ishte në interes të qytetarëve të Kosovës.

“Unë jam dakord që ai duhet të vij të raportoj në Kuvend, pasi që  ka shërbyer në Kosovë, ka shërbyer në emër të drejtësisë së Kosovës dhe ka shërbyer në emër të demokracisë evropiane. Do të ishte në interes që të gjithë qytetarët e Kosovës ta dinë të vërtetën”,  tha ai

Shala, tha se institucionet e vendi deri më tani është dashur që t’i përgjigjen kërkesës së Simmons për të raportuar.

“Po parimisht do të duhej me  iu përgjigj tashmë kërkesës së përsëritur të gjyqtarit të Eeulex-it, do të ishte demokratike dhe do të ishte ne shërbim të qartësimit të pozicioneve të mëhershme që ka pasur veprimtaria e Eulex-it në Kosovë dhe qartësimit të politikave gjyqësore në këtë vend ”,  deklaroi Shala për Front Online.

Ndërsa deputeti i AAK-së, Bekë Berisha, tha se e ka nënshkruar iniciativën për mbledhjen e nënshkrimeve që Simmons të raportojë në Kuvendin e Kosovës

“Është një iniciativë në Kuvendin e Kosovës pët të cilën  e kom dhënë nënshkrimin që ai me raportua në Kuvend. Ai duhet me raportu në Kuvend, besoj që janë nënshkrimet e mjaftueshme që ai me raportu në Kuvend”,  deklaroi Berisha.

Pyetjeve të portalit Fornt Online, se a do t’i lejohet raportimi në Kuvend ish- gjyqtarit  të EULEX-it, nuk u janë përgjigjur Qeveria dhe Kuvendi.

/Front Online/

 

 

Comodita nis 35 kontejnerë me dyshekë për në SHBA

Të tjera