×
  • Bota/Rajoni
  • Bota/Rajoni

    Opozita i sheh si mashtrim zgjedhjet në Serbi

    FrontOnline
    20 Qershor 2020

    Rreziku nga përhapja e koronavirusit, nuk është i vetmi rrezik që paraqesin zgjedhjet e planifikuara parlamentare në Serbi, sipas kundërshtarëve të presidentit serb, Aleksandar Vuçiq.

    Presidenti i Serbisë nisi fitoret në vitin 2012, kur Partia e tij Përparimtare (SNS) u bë partner kryesor në koalicionin qeverisës të asaj kohe. Titulli i tij zyrtar ishte kryeministër i shtetit, por që nga fillimi u bë e qartë që Vuçiqi nuk do të ndalej me kaq, shkruan BBC.

    Por pavarësisht suksesit të tij, e kaluara e Vuçiqit do të thotë se një numër i dukshëm i serbëve nuk do ta pranojnë asnjëherë si udhëheqësin e tyre. Vuçiq shërbeu si Ministër i Informimit në regjimin e Slobodan Miloseviqit, presidenti i cili shkaktoi shembjen e dhunshme të Jugosllavisë në vitet e 90-ta. Kërkim faljet e Vuçiqit dhe kinse kthimi ndaj një politike pro Evropiane, nuk i mjaftoi kritikëve të tij.

    Fitorja e partisë së tij SNS në vitin 2014 ia mundësoi që të bëhet kryeministër. Pas tre vjetëve ai u bë president, duke e caktuar Ana Brnabiqin si kryeministre, por sidoqoftë duke mbajtur shtrëngim të plotë mbi fuqitë ekzekutive të shtetit, transmeton KOHA.

    Partitë opozitare thonë se grushti i Vuçiqit ka filluar të ngulfat demokracinë e re të Serbisë. Shumica prej tyre janë duke e bojkotuar votimin e së dielës sepse thonë që kushtet për një votim të drejtë dhe të lirë, nuk ekzistojnë.

    Dragan Djilas, ish kryetar i Beogradit, i cili tani e udhëheqë Partinë për Drejtësi dhe Liri (SSP), e ka quajtur votimin si “votim mashtrimi”, duke thënë se SNS-ja e Vuçiqit i dominon mediat, dhe votuesit “as që mund të dëgjojnë për diçka tjetër”.

    Një aktivist tjetër opozitar, Dobrica Veselinoviq nga Don’t let Belgrade Down, tha për BBN-në që vendimi i lëvizjes së tij për të bojkotuar zgjedhjet erdh për shkak “kushteve të pa drejta votimi”.

    Ai tha që “çdo përpjekje për të pasur një dialog të hapur me qeverinë, dështon. Institucionet nuk dëshirojnë të dëgjojnë kërkesat e qytetarëve”.

    Presidenti Vuçiq nuk është kandidat për vota te dielën, por titulli i kandidatit të SNS, që titullon “Aleksandar Vuçiq – Për Fëmijët Tanë”, tregon statusin e tij të paprekur në këtë parti.

    Janë mbajtur gjithashtu shumë protesta ne kryeqytet për të bojkotuar zgjedhjet, protesta të cilat nuk po shfaqen nëpër mediat serbe.

    Vizitë në KEDS nga Avokati i Popullit Naim Qelaj dhe përfaqësueset e UN Women Kosovo
    Nga Rubrika
    Bota/Rajoni28 Mars 2024
    Ajo që tronditi shumë një ekip ndërkombëtar mjekësh që vizitoi një spital në pjesën qendrore të Gazës, ishte numri i madh i...
    Bota/Rajoni28 Mars 2024
    Polonia ka hapur përkohësisht një pikë kufitare me Ukrainën, tha Kievi më 28 mars, përderisa përfaqësuesit qeveritarë u takuan në Varshavë për...
    Bota/Rajoni28 Mars 2024
    Ish-kryeministri i Shqipërisë, Sali Berisha ka marrë pjesë nëpërmjet një lidhje të drejtpërdrejtë ndërsa ndodhet në arrest shtëpiak në aktivitetin dedikuar 15-vjetorit...
    Të tjera
    Lajme28 Mars 2024
    Presidentja e Kosovës, Vjosa Osmani ka takuar sot Delegatin Apostolik të Selisë së Shenjtë për Kosovën, nuncin Jean Marie Speich. Raportet në...
    Vip28 Mars 2024
    Aktori i mirënjohur shqiptar, Enver Petrovci, ka qenë para pak ditësh i ftuar në “Show i së premtes” me Adelina Ismailin. Ai...
    Lajme28 Mars 2024
    Deputeti i PDK-së, Rashit Qalaj, është shprehur i bindur se kandidati i tyre Bedri Hamza, do jetë kryeministri i ardhshëm i Kosovës....
    Lajme28 Mars 2024
    Vigjilencë nga institucionet e sigurisë kërkon edhe ish-komandanti i FSK-së, Kadri Kastrati. Ai në një prononcim për Front Online tha se Serbia...
    Sport28 Mars 2024
    Manchester United raportohet se është i gatshëm të paguajë klauzolën e transferimit të Gleison Bremerit. Mbrojtësi iu bashkua Juventusit në verën e...
    Vip28 Mars 2024
    Aktorja Egla Ceno, ka shkëmbyer një puthje në faqe me moderatorin Meriton Mjekiqi në shtëpinë e “BBVIP”, në sy të të dashurës...

    FrontOnline, © 2024 Të gjitha të drejtat e rezervuara.