[wp-story]

Bota/Rajoni

Operacion i madh policor në Montreal: Dyshohet se sulmuesit hynë në zyrat e krijuesve të videolojërave, punëtorët ikën në çati

Operacion i madh policor në Montreal: Dyshohet se sulmuesit hynë në zyrat e krijuesve të videolojërave, punëtorët ikën në çati
22:23 | 13 Nëntor 2020

Një operacion i madh policor ishte duke u zhvilluar në Montreal të Kanadasë të premten pasdite në zyrat e kompanisë franceze të lojërave video Ubisoft.

Sipas mediave të huaja, përcjell Telegrafi, dyshohet se bëhet fjalë për një pengmarrje të mundshme.

Policia konfirmoi “angazhimin e madh” të ketë filluar në rreth 1.30 pasdite, por nuk ofroi asnjë detaj ndërsa i nxiti njerëzit të “shmangnin zonën” pranë Bulevardit St-Laurent dhe Rrugës St-Viateur në lagjen Mile-End të Montrealit, afër qendrës së qytetit.

Imazhet televizive treguan rrugët përreth ndërtesës së vjetër me tulla të rrethuar nga oficerë të armatosur rëndë dhe dhjetëra punëtorë të Ubisoft të cilët duket se ishin barrikaduar në çatinë e tyre.

“Oficerët e policisë u dërguan në vendin e ngjarjes për t’iu përgjigjur një telefonate në 911”, i tha AFP një zëdhënës i policisë.

“Informacioni ende nuk është vërtetuar”, tha zyrtari, duke shtuar se “oficerët e specializuar në këtë lloj ndërhyrje aktualisht janë në skenë dhe po kryejnë kontrolle”.

“Graniti” hap showroom-in e dytë në Prishtinë (VIDEO)

Të tjera