Kombet e Bashkuara (OKB) mohuan të mërkurën se Turqia ka marrë një zbritje prej 25 për qind në çmimet e grurit nga Ukraina sipas marrëveshjes së Stambollit të mbështetur nga OKB-ja, raporton Anadolu Agency (AA).

“Kemi bërë shumë kërkime, aq sa është e mundur dhe mund t’ju them se në marrëveshjen për Iniciativën e Detit të Zi që është nënshkruar në Stamboll nuk ka pasur lëshime. Për më tepër, ne nuk jemi në dijeni të ndonjë marrëveshjeje tjetër që do të garantonte një zbritje të tillë”, tha Stephane Dujarric, zëdhënës i Sekretarit të Përgjithshëm të OKB-së, i pyetur nga gazetarët për marrëveshjen dhe një zbritje të mundshme për Turqinë për blerjen e grurit ukrainas.

Më 22 korrik, Turqia, OKB, Rusia dhe Ukraina nënshkruan një marrëveshje historike për të rihapur tre porte ukrainase – Odesa, Chernomorsk dhe Yuzhny – për eksportet e grurit që ishin bllokuar për muaj të tërë për shkak të luftës së vazhdueshme midis Rusisë dhe Ukrainës./FrontOnline/