×
  • Lajme
  • Lajme

    OIK fillon me një minutë heshtje mbledhjen për infermierët që humbën jetën nga Covid-19

    FrontOnline
    27 Shkurt 2021

    Me një minutë heshtje për infermierët që humbën jetën në betejën kundër virusit Covid 19, ka filluar mbledhja e V-të e Kuvendit të Odës së infermierëve mamive dhe profesionistëve tjerë shëndetësorë (OIK). Kësaj radhe, për shkak të situatës pandemike, takimi i mbi 160 anëtarëve u bë nga distanca, përmes platformave online.

    Naser Rrustemaj, kryetar i OIK-ut, në fjalën e tij para anëtarëve të Kuvendit, ka thënë se ky ishte një vit ndryshe, me humbje të mëdha dhe të pakthyeshme për komunitetin infermieror. “Një numër i anëtarëve tanë humbën jetën e mijëra tjerë u infektuan derisa ishin në luftë me virusin COVID 19. Ne do t’i kujtojmë gjithë ata kolegë që humbën jetën nga virusi COVID 19, me pietet e krenari, për sakrificën sublime në luftë për shëndetin”, ka thënë Rrustemaj.

    Ai ka shtuar se në këtë situatë të rëndë, më e pakta që ka mundur të bëjë OIK, ka qenë një ndihmë simbolike në shenjë solidariteti me familjarët e infermierëve, mamive dhe profesionistëve tjerë shëndetësorë që humbën jetën nga virusi.

    Kështu, gjatë këtij viti, ndonëse kufizueshëm, sipas Rrustemajt, OIK është përpjekur të jetë pranë anëtarëve të saj.

    “Nuk jemi ndalur së kërkuari nga Ministria e Shëndetësisë dhe institucionet shëndetësore në vazhdimësi shtimin e numrit të infermierëve, mamive dhe profesionistëve tjerë shëndetësorë, në tri nivelet e sistemit shëndetësor. Shkaku i pandemisë, kemi zvogëluar edhe kuotën e pikëve për rilicencim. Në asnjë moment, nuk jemi ndalur që edhe përmes mediave të sensibilizojmë çështjet që ndërlidhen me pandeminë.  OIK, edhe këtë vit, çdo moment ka avancuar platformën digjitale, duke synuar të jetë sa më afër Jush me shërbime.  Kjo ka ndihmuar në kryerjen e procedurave, duke iu shmangur kontakteve të dyshimta me Covid, por edhe udhëtimeve nga qytetet e largëta”.

    Licencimi dhe ri-licencimi vazhdojnë të jenë funksionet kryesore të OIK-ut, procese këto që kanë vazhduar normalisht. Risi, këtë vit, sipas Rrustemajt, paraqet licencimi i psikologëve klinikë. “OIK mbi të gjitha ka vendosur standarde të reja të qeverisjes efektive, transparente dhe llogaridhënëse në raport me gjithë anëtarësinë”, ka thënë Rrustemaj.

    Fjalë përshëndetëse para të pranishmëve kanë mbajtur edhe dy nënkryetarët e OIK-ut.

    Në mbledhjen e V-të të Kuvendit të OIK-ut kanë raportuar edhe Kryetari i Këshillit Drejtues dhe Kryetari i Këshillit Mbikqyrës. Gjithashtu, para anëtarësisë është raportuar edhe për punën e Këshillit Etik, Prokurorit dhe Gjyqit të Nderit të OIK-ut.

    Rame Lahaj, ambasador i VISA Infinite kartelës së Bankës TEB
    Nga Rubrika
    Lajme29 Mars 2024
    Ministrja e Drejtësisë, Albulena Haxhiu ka akuzuar përfaqësuesit e Këshillit Gjyqësor dhe Prokurorial për tendencë kushtëzimi për Ministrinë e Drejtësisë. Ajo tha...
    Lajme28 Mars 2024
    Rusia dështoi të enjte në përpjekjen për një seancë të Këshillit të Sigurimit të Kombeve të Bashkuara, ku do të diskutohej rreth...
    Lajme28 Mars 2024
    Kryeministri Albin Kurti, ka bërë iftar bashkë me ambasadorin e Turqisë në Kosovë, Sabri Tunç Angılı, zëvendësministrin në Ministrinë e Punëve të...
    Të tjera
    Lajme28 Mars 2024
    Kandidati i PDK-së për kryeministër, Bedri Hamza, ka folur për kandidaturën e tij dhe përballjen në zgjedhje me kryetarin e VV-së, Albin...
    Sport28 Mars 2024
    Florian Marku këmbëngul se Chris Kongo, kundërshtari i tij mbrëmjen e së dielës, ka bërë një gabim të madh. Kongo, pohon ai,...
    Lajme28 Mars 2024
    Ministrja e Drejtësisë, Albulena Haxhiu, ka reaguar pas triumfit të jashtëzakonshëm të studentëve të Fakultetit Juridik të Universitetit të Prishtinës, të cilët...
    Lajme28 Mars 2024
    Kandidati për kryeministër nga radhët e Partisë Demokratike të Kosovës, Bedri Hamza, ka thënë se asnjë qeveri s’ka mundësi që t’i kryej...
    Lajme28 Mars 2024
    Policia e Kosovës është bërë pjesë e Taskforcës së Përbashkët të Migracionit me autoritetet ligjzbatuese të Republikës së Shqipërisë dhe të Mbretërisë...
    Lajme28 Mars 2024
    Kryetari i Lidhjes Demokratike të Kosovës (LDK), ka folur në Kuvend të Kosovës për tenderët njëburimore. Opozita edhe gjatë seancës së fundit...

    FrontOnline, © 2024 Të gjitha të drejtat e rezervuara.