Oda e Infermierëve ka reaguar pas kanosjes dhe sulmit ndaj një infermieri në Prizren.
Përmes një njoftimi ka kërkuar nga organet e hetuesisë që të zbardhin rrethanat, si dhe të ndërmirren veprime ligjore./Front Online
Njoftimi i plotë:
Reagim për kanosjen ndaj infermierit
Oda e Infermierëve, Mamive dhe Profesionistëve tjerë shëndetësorë është njoftuar nga Zahadin Destani, infermier i anestezionit në Prizren për një kanosje dhe tentim sulmi që ka ndodhur nga një familjar i një pacienti që e kishin transportuar nga Prizreni në Klinikën e Pediatrisë në Prishtinë.
OIK, kërkon nga organet e hetuesisë që janë njoftuar me rastin, që të zbardhin rrethanat e kanosjes dhe tentim-sulmit ndaj infermierit dhe të ndërmirren veprime ligjore ndaj kujdo që kanosë apo sulmon punonjësit shëndetësorë.
OIK, shprehë keqardhje për këto kanosje dhe shpeshtim të sulmeve karshi mantelbardhëve dhe inkurajon qytetarët si dhe komunitetin që për çfarëdo kontesti, të shmangin format violente, duke zgjidhur ato në rrugë institucionale.
