Bota/Rajoni

OBSh-ja raporton rekord të rasteve ditore të koronavirusit në nivel global

OBSh-ja raporton rekord të rasteve ditore të koronavirusit në nivel global
08:37 | 13 Korrik 2020

Organizata Botërore e Shëndetësisë ka raportuar për një rekord tjetër të rritjes së numrit të rasteve të koronavirusit për 24 orë, me ç’rast u regjistruan më shumë se 230,000 persona të infektuar në nivel global. Rekordi i kaluar ishte shënuar të premten me mbi 228,000 raste.

Sipas të dhënave të Universitetit “Johns Hopkins”, të cilat janë të mbështetura në informatat zyrtare qeveritare të shteteve, gjithjes 12.9 milionë raste të infektimeve dhe mbi 568 mijë viktima janë shënuar në mbarë botën deri në mëngjesin e së hënës.

Numi i vërtetë i të vdekurve dhe të infektuarve ka gjasë të jetë më i lartë për shkak të vonesave në raportimin e rasteve, shkallës së ndrushme të testimit dhe dallimeve në përcaktimin e rasteve si dhe dyshimeve për fshehjen e një pjese të rasteve nga disa shtete.

Sipas raportit të kësaj organizate, rritja më e madhe e numrit të rasteve është shënuar në Shtetet e Bashkuara, Brazil, Indi dhe Afrikë Jugore, shkruan “The Guardian”, transmeton Gazeta Express.

Presidenti i Afrikës Jugore, Cyril Ramaphosa, deklaroi të dielën se vendi i tij do ta ndalojë menjëherë shitjen e alkoolit në mënyrë që të zvogëlohet numri i pacientëve që vuajnë nga trauma dhe të lirohen më shumë shtretër për trajtimin e personave të sëmurë me Covid-19.

Sipas OBSh-së, numri ditor i viktimave vazhdon të mbetet relativisht në të njëjtin nivel, me rreth 5,000 raste në ditë, ndonëse në disa shtete është shënuar rënie.

Përfito FALAS një pushim për çift në Budva

Të tjera