×
  • Lajme
  • Lajme

    OAK kërkon përkrahje nga partitë politike në Kuvend për tejkalimin e krizës

    FrontOnline
    30 Qershor 2020

    Mundësitë për përkrahje lidhur me problemet e bizneseve, finalizimi i pakos e rimëkëmbjes, ofrimi i përkrahjes në ndryshim plotësimin e ligjeve të cilat janë aktualisht në proces, krijimi i ofertave për investitorët, krijimi i arkës patriot, ofertat strategjike në bujqësi, mbrojtja dhe orientimi i bizneseve, ligji për investime strategjike, iniciimi i sigurimeve shëndetësore dhe sigurimit në punë ishin disa nga çështjet që u ngritën në takimin e përfaqësuesve të Odës së Afarizmit të Kosovës me liderin e Lëvizjes Vetëvendosje Albin Kurti me bashkëpunëtor.

    Në kuadër të takimeve që OAK është duke realizuar me kryetarët e partive politike, në takimin me z. Kurti u theksua rëndësia e bashkëpunimit reciprok për përkrahje në tejkalim të gjendjes së rëndë me të cilën janë duke u ballafaquar bizneset si rezultat i pandemisë.

    Siç njofton kumtesa, gjatë këtij takimi OAK theksoi emergjencën e finalizimit sa më parë të pakos së rimëkëmbjes në mënyrë që bizneset të kenë mundësi që të mbijetojnë, mbajnë në punë punëtorët dhe sigurimin e kapitalit për ruajtje të likuiditetit. Theks i veçantë iu kushtua rëndësisë së finalizimit sa më parë të Ligjit të Punës dhe Pushimit të Lehonisë duke u cilësuar dy nga ligjet esenciale të zhvillimit të vendit, si rezultat i të cilëve kemi një numër shumë të ulët të të punësuarve, largimin e fuqisë punëtore në vendet e BE-së për një jetë dhe mirëqenie më të mirë. Gjithashtu Ligji për Tregti të Brendshme është më se i nevojshëm duke rregulluar tregun në bazë të nevojave dhe analizave dhe njëkohëssiht duke mbrojtur dhe orientuar bizneset u tha nga përfaqësuesit e OAK-së.

    Hamdi Malushaj anëtar i bordit në OAK theksoi rëndësinë e aftësimit profesional, respektimin e kontratave të punës, afatet e paralajmërimeve dhe rëndësinë e ndarjes së qartë të të drejtave dhe detyrimeve mes punëtorëve dhe punëdhenësve. Malushaj gjithashtu veçoi qasjen e shtetit ndaj biznesit dhe trajtimin që bizneset janë duke marrë aktualisht nga shteti duke lënë shumë hapësirë për të dëshiruar.

    Anëtari i bordit Hysni Zogaj theksoi rëndësinë e ofrimit të përkrahjes për sektorin e bujqësisë dhe minierave e mineraleve duke qenë dy ndër sektorët më me potencial të zhvillimit të vendit.

    Ndërsa sekretari i bordit Diamant Elshani veçoi rëndësinë e unitetit më të madh dhe bashkëpunimin me komunitetin e biznesit qysh në fazat e hershme të iniciimit të nismave ligjore, në mënyrë që së bashku me institucionet dhe bizneset të diskutohen në grupe punuese çështjet me interes reciprok.

    Kryetari i LVV Albin Kurti falënderoi përfaqësuesit e OAK-së për takimin dhe çështjet që u ngritën, duke u shprehur i hapur për bashkëpunim në ndryshimin e praktikave dhe qasjes ndaj bizneseve. Kurti veçoi rëndësinë e diagnostifikimit të problemeve ekonomike dhe premtoi përkrahje për ligjet në kuvend në plotësim ndryshimin e tyre në mënyrë që ato të jenë të aplikueshme dhe përshtatshme për rrethanat në të cilat operojmë.

    Prezente në takim ishte edhe znj. Rozeta Hajdari e cila u shpreh e gatshme për bashkëpunim të ngushtë me qëllim të identifikimit të problemeve më të cilat ballafaqohen operatorët ekonomik dhe propozimet për alternativat e zgjidhjes së situatave të caktuara.

    Në këtë takim OAK u përfaqësua nga: Skënder Krasniqi – kryetar i bordit, Diamant Elshani – sekretar i bordit, Hamdi Malushaj dhe Hysni Zogaj anëtar të bordit dhe Qendresa Ibrahimi – koordinatore në OAK.

    Ndërsa Lëvizja Vetëvendosje u përfaqësua nga Albin Kurti, Rozeta Hajdari dhe Tropika Agaj

    Një delegacion i Prince Coffee viziton plantacionet e kafesë në Indi
    Nga Rubrika
    Lajme23 Korrik 2024
    Zyrtarja e Vetëvendosjes, Dejona Mihali, ka vazhduar këtë mëngjes sulmet e partisë qeverisëse kundër gazetarëve, mediave dhe AGK-së, ku ndër të tjera...
    Lajme23 Korrik 2024
    Kompania më e madhe turistike në vend Sharr Travel serish befason klientët e saj besnik me ofertën e sapo plasuar për njërin...
    Lajme23 Korrik 2024
    Kryetari i Lidhjes Demokratike të Kosovës, Lumir Abdixhiku, ka përkujtuar intelektualin dhe veprimtarin Shaban Manaj, në 24 vjetorin e vrasjes së tij....
    Të tjera
    Lajme23 Korrik 2024
    Safet Gërxhaliu, ish kryetar i Odës Ekonomike të Kosovës (OEK) thotë se bashkëpunimi ekonomik në mes të Kosovës dhe Shteteve të Bashkuara...
    Bota/Rajoni23 Korrik 2024
    Presidenti i Shteteve të Bashkuara, Joe Biden, tha se vendimi i tij për t’u tërhequr nga gara për rizgjedhje, ka qenë “gjëja...
    Kronika23 Korrik 2024
    Një burrë në fshatin Treboviq të Pejës, ka raportuar në polici se vajza e vëllait të tij e cila është me aftësi...
    Kronika23 Korrik 2024
    Një grua në Viti e ka njoftuar policinë e Kosovës se para një viti është sulmuar seksualisht nga një burrë në Viti....
    Lajme23 Korrik 2024
    Pas dyshekëve, produkti i dytë më i eksportuar në Amerikë gjatë vitit që lamë pas janë artikuj të veshjeve për burra dhe...
    Lajme23 Korrik 2024
    Prokuroria Speciale e Kosovës, dje bëri të ditur se edhe sot do ta intervistojë ministren e Drejtësisë, Albulena Haxhiu. Sipas PSRK-së, intervistimi...

    FrontOnline, © 2024 Të gjitha të drejtat e rezervuara.