Nxënësit dhe prindërit në komunën e Kamenicës kanë protestuar sërish ndaj riorganizimit të shkollave i cili po implementohet nga pushteti komunal.

Komuna ka paraparë që shkollat me pak nxënës të mbyllen dhe ata të transferohen në shkollat me numër më të madh të nxënësve, transmeton KOHA.

Protestuesit në këtë komunë kanë paralajmëruar se do të organizojnë protesta para Qeverisë së Kosovës ngase komuna nuk po bindet për anulimin e reformës në arsim.

Protestuesit poashtu kanë akuzuar Ministrinë e Arsimit e cila sipas tyre ka lejuar këtë reformë.

Ata kanë paralajmëruar se para Qeverisë do të protestojnë më 24 shtator.