[wp-story]

Front TV

Njohësit e zgjedhjeve: Vendimi i KQZ-së për diasporën s’ka bazë ligjore

Njohësit e zgjedhjeve: Vendimi i KQZ-së për diasporën s’ka bazë ligjore
19:26 | 13 Janar 2021

Linja telefonike dështoi.

E, me këtë udhë, iku edhe mundësia e mërgimtarit për të votuar në zgjedhjet e 14 shkurtit.

Kjo është mënyra që KQZ-ja përzgjodhi të martën për siç u tha verifikimin e votës së ardhur nga jashtë.

Me idenë e verfikimit, pro të cilës votuan të gjitha partitë, po pajtohet njohësi i sistemit zgjedhor, Drilon Gashi.

Por jo edhe me formën, teksa jep disa alternativa tjera.

“Besoj që ka mënyrë tjetër, mbase përmes e-mailit apo postës të kërkohen të dhëna shumë specifike individuale që të mund të verifikohen votat pa u dashur kjo formë”, u shpreh ai për Front Online.

Dikush që e drejtoi gjatë Komisionin Qendror të Zgjedhjeve thotë se kushtëzimi i tillë ndaj diasporës nuk ka bazë ligjore.

 

“Nuk shkruan askund në asnjë dispozitë ligjore që duhet të intervistohen, telefonohen dhe të inspektohen, të vihen kontakte të tillë me mërgatën. Pra vendimi si i tillë është edhe diskutabil edhe i pabazuar në dispozitat ligjore”, u shpreh Mazllum Baraliu.

 

Ngjashëm po mendon edhe Drilon Gashi.

“Partitë të mblidhen dhe të shikojnë se çka mund të bëjnë për ta verfikuar votën. Besoj që një mënyrë tjetër do të ishte më e përshtatshme”, theksoi ai.

 

Shqyrtim të vendimit kërkoi edhe u.d së Presidentes Vjosa Osmani.

 

Por, atë, nuk pranoi ta komentojë e para e KQZ-së, Valdete Daka.

 

“Petrol Company” ndihmon më shumë se 200 familje për festën e Fitër Bajramit (VIDEO)

Të tjera