×
  • Kronika
  • Kronika

    Njëri nga policët e arrestuar në Karaçevë drejtonte lokalin ku luhej bixhozi

    FrontOnline
    24 Shtator 2020

    Disa zyrtarë policorë që janë arrestuar në aksionin e njohur si “Karaçeva” edhe më herët kanë qenë të dyshuar për përfshirje në veprime penale. Polici F.L., siç është informuar KOHA, ka qenë i arrestuar në vitin 2009, për kontrabandë. Aksioni asokohe ishte kryer nga Krimet Ekonomike të Policisë së Kosovës. Siç kanë thënë burimet, ky zyrtar policor ishte suspenduar, por më vonë ishte kthyer sërish në punë.

    “Rasti ka qenë në procedurë disa vjet, por pa aktgjykim final pati arritur parashkrimin. Më pas nuk ka mundur të largohej nga puna”, ka thënë ky burim, shkruan KOHA Ditore.

    Në mesin e të arrestuarve, kanë treguar burimet, ka edhe të tjerë policë që kanë qenë duke u hetuar për vepra penale.

    Polici F.L., i cili ka pasur histori arrestimi dhe proces gjyqësor, është i vetmi që tash hetohet si drejtues lokali ku është organizuar bixhozi dhe lojërat e fatit. Të tjerët zyrtarë policorë hetohen për keqpërdorim të detyrës zyrtare për shkak se, edhe pse kanë qenë në dijeni, nuk kanë ndërmarrë veprime për ndalimin e veprimtarisë kriminale, siç thotë prokuroria me pretendim për përfitime personale.

    “Prej muajit gusht 2019 e më tutje, në lokalin e tij “Adria”, që ndodhet në zonën kufitare mes Republikës së Kosovës dhe Republikës së Serbisë, përkatësisht në territorin e fshatit Karaçevë Komuna e Kamenicës, i pandehuri F.L., në cilësi të zyrtarit policor, me qëllim të përfitimit të kundërligjshëm pasuror për vete apo për personin tjetër dhe në kundërshtim me Ligjin për ndalimin e lojërave të fatit 06/L-155, në mënyrë të kundërligjshme dhe në vazhdimësi ka organizuar lojërat e fatit të cilat janë të ndaluara me ligj”, thuhet në dokumentin e hetuesisë.

    Nga hetuesia i kanë thënë KOHËS se përveç kësaj ai dyshohet për kontrabandë.

    “Këtij polici i janë konfiskuar rreth 50 lopë, të cilat dyshohet që ai i ka kontrabanduar nga Serbia”, ka thënë ky burim.

    Një delegacion i Prince Coffee viziton plantacionet e kafesë në Indi
    Nga Rubrika
    Kronika28 Mars 2024
    Policia e Kosovës ka kontrolluar dje shtëpinë e një ish-pjesëtari të Policisë së Kosovës në Zubin Potok. Tek i njëjti policia ka...
    Kronika28 Mars 2024
    Është dërguar në mbajtje njëri nga personat që ishte duke u trajtuar në QKUK, si pasojë e plagosjes me armë zjarri të...
    Kronika28 Mars 2024
    Dy persona janë gjetur të vdekur në Prishtinë, në dy raste të ndara. Në rastin e parë, një grua ka njoftuar policinë...
    Të tjera
    Lajme28 Mars 2024
    Qytetarët e katër komunave me shumicë serbe në veri të Kosovës në dy ditët e fundit janë “befasuar” nga faturat për energjinë...
    Lajme28 Mars 2024
    Ish-kreu i Ministrisë së Punëve të Brendshme, Ekrem Mustafa për Front Online tha se nuk mund të ketë eskalim të situatës në...
    Lajme28 Mars 2024
    Nënkryetarja e Partisë Demokratike të Kosovës, Vlora Çitaku ka thënë se ndjehet krenare për partinë e saj e cila zgjodhi Besianë Musmuratin...
    Lajme28 Mars 2024
    Nëse Dritan Abazoviq do të ishte ende kryeministër, Mali i Zi nuk do të votonte kundër anëtarësimit të Kosovës në Këshillin e...
    Lajme28 Mars 2024
    Shefi i Grupit Parlamentar të PDK’së, Abelard Tahiri, në “Frontal” të T7 ka folur për dështimin e themelimit të Komisionit hetimor parlamentar...
    Lajme28 Mars 2024
    Një situatë si ajo e Banjskës po paralajmërohet se mund të përsëritet. Drejtori i Policisë së Kosovës, Gazmend Hoxha, ka thënë se...

    FrontOnline, © 2024 Të gjitha të drejtat e rezervuara.