Lakmia, jo tradhëtia, ishte arsyeja pse Donald Trump kërkoi ndihmë nga Vladimir Putin përpara zgjedhjeve presidenciale të vitit 2016 në SHBA, shkruan ish-avokati i Trump, Michael Cohen në një libër të ri.

Trump donte të ndërtonte një rrokaqiell 120-katësh në Sheshin e Kuq të Moskës, i cili do të strehonte një hotel me pesë yje dhe një qendër spa bazuar në idetë e Ivanka Trump, shkruan Ëashington Post, duke cituar librin e Cohen.

“Trump synonte t’i jepte strehim në krye të ndërtesës Presidentit rus Putin falas “për ta kënaqur atë”, shkruan Cohen. “E gjithë historia e atdhedashurisë dhe tradhtisë është bërë e parëndësishme në kokën e tij”, shkruan Cohen.

“Trump e përdori fushatën për të fituar para: natyrisht që ai këtë po bën”.

Trump dhe Putin ishin të bashkuar në urrejtjen e tyre për Hillary Clinton, pretendon Cohen, dhe thotë se Putini ishte i zemëruar me Clinton për mbështetjen e protestave masive kundër tij në 2011.

“Ajo që duket të jetë një marrëveshje e fshehtë është me të vërtetë vetëm pëlqimi për të dëmtuar Hillary Clinton në çdo mënyrë, duke përfshirë edhe ndërhyrjen në zgjedhjet e SHBA, gjë e cila nuk i shkaktoi Trump ndonjë shqetësim”, shkruan Cohen.

Libri i Cohen, “Mosbesimi: Një kujtim”, do të botohet të martën.

Në një deklaratë për Washington Post, zëdhënësja e Shtëpisë së Bardhë, Kayleigh McEnany sulmoi besueshmërinë e Cohen.

“Michael Cohen është një mashtrues dhe avokat i turpëruar i përjashtuar nga dhoma, i cili gënjeu Kongresin. Ai ka humbur të gjithë besueshmërinë dhe nuk është për t’u habitur që në përpjekjen e tij të fundit po përpiqet të përfitojë nga gënjeshtrat”, tha ajo.