[wp-story]

Kronika

Një muaj paraburgim për 6 persona që u përfshinë në rrëmbimin në Novobërdë

Një muaj paraburgim për 6 persona që u përfshinë në rrëmbimin në Novobërdë
15:41 | 19 Shkurt 2021

Gjykata Themelore në Gjilan ka caktuar një muaj paraburgim për gjashtë personat që dyshohet të jenë përfshirë në rrëmbimin e dy personave, shtetas të Maqedonisë. në mesin e tyre janë përfshirë edhe zyrtarë policorë.

Rrëmbimi i dy personave u bë më 16 shkurt në një villë në fshatin Stanishor të Komunës së Novobërdës.

“Gjykata Themelore në Gjilan ka aprovuar kërkesën e Prokurorisë Themelore të Gjilanit, duke i caktuar masën e paraburgimit prej 30 (tridhjetë) ditë të pandehurve V.K., M.I., B.N., V.K., F.S. dhe M.Z. Ekziston dyshimi i bazuar se të pandehurit me datën 16 – 17 Shkurt 2021, me dashje direkte dhe me qëllim të përfitimit material, i kanë marrë dhe kanë mbajt nën kërcënimin e armës të dëmtuarit Z.R. dhe A.A., në një villë në komunën e Novobërdës, të cilët i kanë prangosur me pranga plastike, duke iu bërë video incizime, të cilat pastaj ia kanë dërguar familjarëve të të dëmtuarve. Me këto veprime, të pandehurit dyshohet se kanë kryer veprën penale “rrëmbimi” vepër e sanksionuara me Kodin Penal të Republikës së Kosovës (KPRK)”, thuhet në vendimin e Gjykatës.

Gjyqtari i procedurës paraprake në Departamentin e Krimeve të Rënda, pas mbajtjes së seancës dëgjimore, ka refuzuar kërkesën e mbrojtësve të pandehurve, për caktimin e masave alternative, duke konsideruar se caktimi i masës së paraburgimit krijon kushte për zhvillimin me sukses të procedurës penale.

Palët kanë të drejtën e ankesës ndaj këtij vendimi në Gjykatën e Apelit.

Benzinë vetëm 1.05 euro në Petrol Company e shumë zbritje tjera në “Be Happy Restorant” dhe Market

Të tjera