[wp-story]

Bota/Rajoni

Një i vdekur dhe 82 raste të reja me COVID-19 gjatë 24 orëve në Shqipëri

Një i vdekur dhe 82 raste të reja me COVID-19 gjatë 24 orëve në Shqipëri
13:41 | 16 Qershor 2020

Një pacient me koronavirus ka ndërruar jetë gjatë 24 orëve të fundit në Shqipëri, ndërsa janë konfirmuar edhe 82 raste të reja.

Rastet ditore të identifikuara pozitive po vijojnë të rriten edhe në Shqipëri, ndërsa vihet re se është ulur vigjilenca dhe moszbatimi i rregullave të përcaktuara.

Gjatë 24 orëve të fundit, sipas institucioneve shëndetësore në Shqipëri, janë kryer 364 testime për të dyshuar të prekur me COVID-19, nga të cilat janë konfirmuar 82 raste pozitive, kontakte të rasteve të konfirmuara më herët pozitive, si dhe raste të reja në proces hetimi në Tiranë, Shkodër, Fier, Vlorë, Korçë dhe Durrës.

“Shpërndarja gjeografike e të prekurve në 24 orët e fundit është si vijon: 28 të prekur në Tiranë, 18 në Shkodër, 10 në Krujë, 8 në Durrës, 7 në Vlorë, 3 në Kamëz, nga 2 raste në Kukës, Elbasan, Fier dhe nga 1 i prekur në Korçë dhe Pukë”, thuhet në njoftimin e Ministrisë së Shëndetësisë.

Po ashtu bëhet e ditur se gjatë 24 orëve ka vdekur një pacient 68 vjeç nga Puka, i cili vuante nga sëmundje të tjera dhe ishte në gjendje të rëndë, i intubuar, prej disa ditësh, ndërsa janë shëruar 9 qytetarë, duke e çuar numrin e të shëruarve që nga fillimi i pandemisë në 1064.

“Petrol Company” ul çmimet për 15 %. Ja sa kushton një litër naftë

Të tjera