Bota/Rajoni

Një e treta e popullatës së Afganistanit mund të jetë infektuar me koronavirus

Një e treta e popullatës së Afganistanit mund të jetë infektuar me koronavirus
15:51 | 05 Gusht 2020

Një studim me teste serologjike ka zbuluar se gati një e treta e popullatës së Afganistanit, apo rreth 10 milionë banorë, mund të jenë infektuar me koronavirus, ka njoftuar Ministria e Shëndetësisë e Afganistanit, transmeton BBC.

Zbulimet janë bërë nga rezultatet e testimeve serologjike të bëra me 9500 persona nëpër vend, me ndihmën e Organizatës Botërore të Shëndetësisë (OBSH) dhe Universitetin John Hopkins.

Ahmad Jawad Osmani ka thënë se shumica e rasteve janë zbuluar në qytete, ku kryeqendra Kabuli ka qenë më i prekuri. Shumë raste besohet se kanë qenë pa simptome.

Afganistani zyrtarisht ka regjistruar rreth 36 mijë të infektuar e 1200 të vdekur. Vendi është duke vuajtur nga varfëri ekstreme, ku sistemi shëndetësor është nën ngarkesë të madhe si pasojë e konfliktit me dekada.

1 abonim, 3 paisje, 240 kanale shqip – NimiTV në gjithë Evropën për vetëm 99.90€ për 12 muaj

Të tjera