Muharrem Nitaj i AAK-së është emëruar sot ministër në vend të Blerim Kuçit që dha sot dorëheqje nga pozita e Ministrit të Ekonomisë.
Këtë e ka konfirmuar Zyra e Kryeministrit përmes një komunikate dërguar medieve.
Vendimi është marrë pak orë pasi që Kuçi ka njoftuar sot se e ka dorëzuar dorëheqjen te kryeministri në detyrë, Avdullah Hoti.
Kuçi ka thënë sot për Front Online se vetë ka kërkuar që të lirohet nga detyra për shkak të angazhimeve në fushatën parazgjedhore.
“Unë vetë kam kërkuar të lirohem nga detyra, pasi nuk mundem në një Ministri kaq të rëndësishme të kryejë detyrat e mia si ministër dhe të angazhohem në fushatë”, u shpreh ai për Front Online.
Ai më tutje ka deklaruar se nuk do të jetë pjesë e listës së AAK-së për deputet, por do të jetë pjesë e Shtabit Zgjedhor.
