×
  • Lajme
  • Lajme

    Nisma e do PDK-në në qeveri, kërkon nga AAK t’i besojë partnerëve të koalicionit

    FrontOnline
    10 Gusht 2020

    Nisma Socialdemokrate ka shfaqur besimin karshi shefit të qeverisë, Avdullah Hoti për dialogun me Serbinë. Ani pse zëvendëskryeministrja Albulena Balaj-Halimaj nuk ishte pjesë e takimit të fundit kokë më kokë me presidentin e Serbisë, Aleksandër Vuçiq, ajo i beson parimeve paraprake për dialogun ndërmjet partnerëve qeverisës.

    Karshi qëndrimeve mosbesuese të AAK-së për diskutimet e brendshme të këtij takimi, Balaj-Halimaj thotë se kjo parti duhet t’iu besojë partnerëve deri në fund, ose të ndërpresë bashkëpunimin.

    Por pavarësisht kësaj, zëvendëskryeministrja, Balaj-Halimaj në një intervistë për KosovaPress u shpreh se këto mospajtime nuk janë të domosdoshme për prishjen e koalicionit qeverisës.Derisa kërkon edhe zgjerimin e këtij koalicioni qeverisës me përfshirjen e partisë opozitare PDK-së.

    Balaj-Halimaj: Kur i beson një partneri tjetër është mirë t’i besosh deri në fund, ose t’ia heqësh besimin

     

    “Në disa takime kemi qenë, ndërsa në takimin me Vuçiq nuk kemi qenë. Kjo ka qenë ndoshta, ekskluzivisht e drejtë e kryeministrit për të pasur secilin me veti. Nëse do të merrte zotëri Selimin unë do të mbetsha jashtë sepse takimi ka qenë një plus një, e më pastaj ndoshta do të kisha deklarata të tilla edhe unë. Por fare s’është e rëndësishme kjo, sa është se nëse i jep besim me votë dikujt atëherë edhe duhet t’i besosh për tema që i ngritë dhe i fol. Për shkak se kryeministri aty nuk ka thënë asgjë jashtë asaj që jemi dakorduar të tre partnerët e koalicionit. Kur i beson një partneri tjetër është mirë t’i besosh deri në fund, ose në momentin kur nuk i beson më është t’ia heqësh besimin ose mos të bashkëpunosh më tepër me ta”, thotë ajo.

    Ndërkohë, vartësja e kryeministrit Hoti e konsideron joserioze iniciativën e Lëvizjes Vetëvendosje për të rrëzuar qeverinë aktuale përmes një mocioni të mosbesimit.

    Balaj-Halimaj: Vetëvendosje me mocionin dëshiron të bëj spektakël

    “Mund të ketë mospajtime të partnerëve në koalicion për tema të ndryshme, por nuk është e domosdoshme të prishet koalicioni për një mospajtim ose një tjetër. Ata kanë dashur të bëjnë një spektakël sepse ata e dinë që nuk i kanë numrat për rrëzimin e qeverisë. Madje nuk e di që i kanë numrat edhe për të vendosur në seancë këtë mocion”, u shpreh ajo.

    Si kundërpërgjigje e kësaj iniciative, zëvendëskryeministrja Balaj-Halimaj thotë se për shkak të nevojës për unitet për dialogun me Serbinë dhe propozim-aktakuzave ndaj dy liderëve të UÇK-së, presidentit Hashim Thaçi dhe Kadri Veselit, partia e këtij të fundit duhet të jetë pjesë e qeverisë Hoti.

    Balaj-Halimaj: PDK-ja duhet të jetë pjesë e kësaj qeverie

    “Ne e kemi qëndrimin se edhe PDK-ja duhet të jetë pjesë e kësaj qeverie. Për shkak se ne duam të jemi unik përballë Serbisë me dialog dhe secili subjekt politik që i bashkohet kësaj ideje që qëllimi kryesor të jetë njohja mes dy shteteve të jemi më të qëndrueshëm dhe bashkuar”, u shpreh ai.

    Dallimet me AAK-në, zëvendëskryeministrja nga radhët e Nismës i shfaqi edhe për hyrjen e xhandarmerisë serbe në fshatin Karaçevë të Kamenicës, ku thotë se i besojnë deklaratave të KFOR-it se ato kanë qenë patrullime të përbashkëta.

    Balaj-Halimaj: Ne besojmë se në Karaçevë ka pasur patrullime të përbashkëta

     

    “Derisa KFOR-i deklarohet ose del me një deklaratë të tillë ne i besojmë dhe vazhdojmë të mendojmë që ato kanë qenë patrullime të përbashkëta. Nuk ka asnjë nevojë që të shqetësohen qytetarët atje. Ne dhe secili qytetar i Republikës së Kosovës është në gjendje të mbrojë me çdo kusht atë vend dhe secilin pjesë të Republikës së Kosovës”, thotë ajo.

    Sa i përket menaxhimit të situatës me pandeminë COVID-19, Balaj Halimaj tha se nga data 15 gusht presin të vijnë aparatura të reja për testet RT-PCR. Derisa thotë se çdo rekomandim të IKSHP do të kthejnë në vendime, qofshin edhe ato për marrjen e masave më rigoroze

    Prince Espresso miku më i mirë i yjeve të Sunny Hill Festival
    Nga Rubrika
    Lajme23 Korrik 2024
    Valon Prestreshi, njohës i rrethanave ekonomike në vend thotë se Qeveria e Kosovës duhet ta rrisë nivelin e angazhimit për bashkëpunim ekonomik...
    Lajme23 Korrik 2024
    Opozita serbe ka paraqitur një plan ku përfshihen disa pika. Anëtarët e opozitës Çedomir Stojkoviq dhe Ivan Videnoviç u deklaruan se Serbia...
    Lajme23 Korrik 2024
    Policia e Kosovës bashkë me Prokurorinë e Shtetit, janë duke zhvilluar një aksion në Pejë kundër disa të dyshuarve për dallavere me...
    Të tjera
    Lajme23 Korrik 2024
    Prokuroria Speciale e Kosovës, dje bëri të ditur se edhe sot do ta intervistojë ministren e Drejtësisë, Albulena Haxhiu. Sipas PSRK-së, intervistimi...
    Ekonomi23 Korrik 2024
    Dyshekët e prodhuar në Kosovë janë produkti kryesor që  eksportohet nga Kosova në Shtetet e Bashkuara të Amerikës (SHBA) së paku gjatë...
    Bota/Rajoni23 Korrik 2024
    Zëvendëspresidentja amerikane Kamala Harris ka festuar sigurimin e mjaftueshëm të miratimeve të delegatëve për të fituar nominimin presidencial demokrat. “Sonte, jam krenare...
    Lajme23 Korrik 2024
    Moti sot parashihet të jetë kryesisht me diell. Vranësirat më të fokusuara parashihen përreth relievit malor. Temperaturat minimale do të lëvizin ndërmjet...
    Lajme22 Korrik 2024
    E pandehura pranoi SMS në 3 të mëngjesit pastaj e çoi me veturë në Drenas- çfarë ndihme iu ofrua Faton Hajrizit pas...
    Lajme22 Korrik 2024
    Kreu i AAK-së, Ramush Haradinaj, ka ftuar që të jetë pjesë e një debati publik mes tij dhe kryeministrit aktual, Albin Kurti....

    FrontOnline, © 2024 Të gjitha të drejtat e rezervuara.