×
  • Lajme
  • Ekonomi
  • Ekonomi

    Nisin punimet për ndërtimin e rrugës me katër korsi Gjilan-Prishtinë

    FrontOnline
    30 Korrik 2020

    Sot filluan punimet në rrugën N25.2, hyrja e qytetit të Gjilanit, ose rruga që ndryshe njihet si ajo për Prishtinë e cila është e një rëndësie të veçantë për qytetarët e kësaj komune. Kjo rrugë do të jetë me katër korsi në gjatësi prej 7.3 kilometra dhe që financohet nga Banka Evropiane për Rindërtim dhe Zhvillim.

    Në ceremoninë e fillimit të punimeve, përpos kryetarit të Gjilanit, Lutfi Haziri morën pjesë edhe kryeministri Avdullah Hoti, ministri i Infrastrukturës, Arban Abrashi dhe përfaqësues të BERZH-it.

    Kryetari i Gjilanit, Lutfi Haziri, deklaroi se 70% e trafikut është e përqendruar në këtë zonë, ndërsa theksoi se punimet përfshijnë edhe rregullimet në infrastrukturën nëntokësore si dhe ndriçimin.

    “Edhe emri, edhe rruga edhe rëndësia e kësaj rrugë është e jashtëzakonshme sepse rregullon infrastrukturën jo vetëm për trafik por edhe infrastrukturën nëntokësore, ndriçimin, duke ruajtur impaktin në ambient, ujëra dhe gjithçka që është problem urban në zonën kryesore të qytetit, në zonën e rrugës që njihet si e Prishtinës, rruga për Prishtinë. 70% e trafikut frekuentohet në hyrje-dalje në ketë pjesë. Tash përveç autostradës hyrje-daljet në Gjilan po përfundohen”, deklaroi Haziri.

    Kryeministri i Kosovës, Avdullah Hoti, tha se është i nderuar që është në nisje të punimeve në këtë rrugë e cila sipas tij, i jep fryme qytetit të Gjilanit. Hoti u shpreh i bindur se ky projekt do të përmbyllet në kohë rekorde, pavarësisht vështirësive me pandeminë.

    “Ne sot kemi dalë për të qenë bashkë me kryetarin në fillimin e punëve të një aksi rrugor që besoj i jep frymë qytetit të Gjilanit. Ky projekt bashkë me pjesën tjetër në hyrjen ne anën tjetër të qytetit, pjesë e një projekti më të madh të financuar nga BERZH edhe në Ferizaj, në Prizren, kanë filluar para disa viteve ku edhe personalisht bashkë me ministrin Abrashi ishim në kapacitete të tjera. Jam shumë i nderuar që sot jam këtu për të filluar këtë projekt dhe jam i bindur që në kohë rekorde do të përmbyllet”, tha Hoti.

    Ministri i Infrastrukturës, Arban Abrashi tha se Gjilani po merr vëmendjen e duhur të Qeverisë Hoti duke shtuar se përpos këtij projekti, në plan për këtë zonë janë edhe të tjera projekte që do të përmirësojnë jetën e qytetarëve.

    “Jemi sot këtu prapë në Gjilan ashtu siç kemi premtuar fillimin e këtij projekti të përbashkët me BERZH-in por prape do të vijmë në Gjilan. E kemi edhe një projekt që fillon brenda ditësh, hyrja nga Kllokoti për në Gjilan që do të jetë rehabilitimi por gjithsesi edhe me dy projekte dhe të autostradës do të vijmë pas disa javësh… Me fjalë të tjera Gjilani po e merr vëmendjen e duhur nga Qeveria Hoti. Do të jemi edhe me projekte në vitin e ardhshëm duke filluar nga bulevardi dhe projekte të tjera që i kemi diskutuar me kryeministrin dhe kryetarin Haziri”, tha Abarashi.

    Ky projekt realizohet në bashkëpunim me Bankën Evropiane për Rindërtim dhe Zhvillim, përfaqësuesi i së cilës, Arianit Blakaj, u shpreh se ky është projekti i parë në infrastrukturë por që i hap rrugë shumë të tjerave në vazhdim.

    “Mund të theksoj që ky është një projekt shumë i rëndësishëm sepse është projekti i parë që bëhet në infrastrukturën rrugore, ka qenë një periudhë shumë e gjatë derisa kemi ardhur në këtë pikë, sepse është projekti i parë edhe pse është dashur të mësohemi me procedura të bashkëpunimit të një institucion si BERZH, mirëpo pas këtij projekti hapet rruga për shumë projekte të tjera që të implementohen në një mënyrë shumë më të shpejtë dhe kemi në përgatitje e sipër edhe projekte të tjera dhe shpresojmë që të vazhdojmë jo vetëm me infrastrukturën rrugore, por siç e ceki edhe kryetari i komunës me ndërtimin e impiantit të ujërave të zeza por edhe shumë projekte të tjera në infrastrukturën”, tha Blakaj.

    Prince Coffee House tani edhe në Vjenë të Austrisë
    Nga Rubrika
    Lajme29 Mars 2024
    Punëtorët e Telekomit të Kosovës, nuk i kanë marrë ende pagat, për shkak të bllokimit të llogarive financiare. Ata në shenjë pakënaqësie...
    Lajme29 Mars 2024
    Presidentja Vjosa Osmani ka falënderuar të gjithë ata që po e përkrahin Kosovën në procesin e anëtarësimit në Këshillin e Europës. Ajo...
    Lajme29 Mars 2024
    Ministri i Mbrojtjes i Italisë, Guido Crosetto, pas takimit me homologun kosovar, Ejup Maqedonci në Prishtinë, ka deklaruar se stabiliteti i Ballkanit...
    Të tjera
    Lajme29 Mars 2024
    Kryetari i Kuvendit, Glauk Konjufca, ka thënë se qeveria nuk ka arsye të japë dorëheqje. Këtë deklaratë ai e bëri para mediave...
    Lajme29 Mars 2024
    Tri seanca plenare do të mbahen në javën e ardhshme në Kuvendin e Kosovës. Kështu ka bërë të ditur shefja e grupit...
    Lajme29 Mars 2024
    Ambasadori i Kosovës në Kroaci, Martin Berishaj, po intervistohet nga Prokuroria e Speciale në Prishtinë. Sipas RTK-së, Berishaj gjendet në Prokurorinë Speciale...
    Lajme29 Mars 2024
    Instituti Kombëtar i Shëndetësisë Publike të Kosovës gjatë mbikëqyrjes permanente të situatës epidemiologjike në vend ka konstatuar një rritje të lehtë të...
    Lajme29 Mars 2024
    Shefi i grupit parlamentar i LDK-së, Arben Gashi, konsideron se sot është njëra ndër ditët më të këqija të parlamentarizmit në Kosovë....
    Sport29 Mars 2024
    Organizatori i Kampionatit Evropian, UEFA tha të enjten se do të dëgjojë trajnerët e ekipeve kombëtare nëse duan të zgjerojnë numrin e...

    FrontOnline, © 2024 Të gjitha të drejtat e rezervuara.