[wp-story]

Lajme

Nis mbledhja e Qeverisë Hoti

Nis mbledhja e Qeverisë Hoti
09:21 | 14 Shtator 2020

Ka filluar mbledhja e Qeverisë së Kosovës, e udhëhequr nga kryeministri Avdullah Hoti.

Të pranishëm në sallë janë thuajse të gjithë ministrat, ku edhe do të bëhet Propozim-shqyrtimi i 14 pikave të rendit të ditës.

Mbledhja e sotme u paralajmërua mbrëmë teksa nuk u bën të ditura çështjet të cilat do të diskutohen.

Në këtë mbledhje do të shqyrtohen gjithsej 14 pika të rendit të ditës.

Ndër pikat kyçe që pritet të shqyrtohen gjatë kësaj mbledhje janë: Shqyrtimi i Projektligjit për Ratifikimin e Marrëveshje ndërmjet Qeverisë së Kosovës dhe asaj të Italisë, për Transferimin e Personave të Dënuar, Shqyrtimi i Propozim-vendimit për afirmimin dhe angazhimin e Qeverisë së Kosovës për të propozuar dhe forcuar kujtesën ndaj Holokaustit dhe për të luftuar Antiseminizmin, në të gjitha format e tij.

Kjo pikë e rendit të ditës lidhet ngushtë me njohjen që së fundi i erdhi Kosovës nga shteti i Izraelit.

Një pikë tjetër e rendit të ditës është edhe shqyrtimi i Propozim-vendimit për ndarjen e mjeteve financiare shtesë për sigurimin e procesit të deratizmimt, dezinfektimit dhe dezinsektimit (DDD) të ndërtesave qeveritare që menaxhohen nga Ministria e Punëve të Brendshme.

Po ashtu gjatë kësaj mbledhje do të bëhet edhe shqyrtimi i Propozim-vendimit për aprovimin e kritereve për financimin e projekteve të komunave për mbështetjen e komunave të Kosovës për menaxhimin e situatës së krijuar nga COVID-19.

“Shqyrtimi i Kornizës Afatmesme të Shpenzimeve të Rishikuar 2021-2024 (Ministria e Financave).

“Petrol Company” në natën e “Kurban Bajramit” e bën me shtëpi të re familjen nga Skenderaj

Të tjera