×
  • Lajme
  • Lajme

    Nis gjykimi ndaj kosovarit në Zvicër, vidhte paketa nga posta private ku punonte

    FrontOnline
    28 Shkurt 2021

    Ai ka punuar për një shërbim korrier privat që shpërndan paketat në emër të Swiss Post. Vlera e mallit të vjedhur në këtë mënyrë ka qenë rreth 44,000 franga

    Një 44-vjeçar që punonte për një shërbim privat postar (korier) nuk ka dorëzuar në destinim mbi njëqind paketa. Për më tepër , ai i ka përvetësuar ose i ka shitur ato.

    Të premten ai është përgjigjur para trupit gjykues në Gjykatën e Qarkut në Pffäfikon, shkruan 20minuten.ch.

    Në shtatë faqe, aktakuza radhit të gjitha mallrat që kishte në 115 pakot të cilat 44-vjeçari nuk ua ka dorëzuar marrësve por i ka grumbulluar në shtëpinë e tij. Aty përfshihen: veshje të grave dhe të burrave, syze dielli, vathë, termometra zgare, çizme gome, atlete etj.

    Nga janari deri në arrestimin e tij, në fillim të korrikut 2020, ai i kishte bërë turnetë e tij të punës të shtunave në zonat e komunave të Kantonit të Cyrihut, si: Nürensdorf, Wangen dhe Brüten.

    Ai ka punuar për një shërbim korrier privat që shpërndan paketat në emër të Swiss Post. Vlera e mallit të vjedhur në këtë mënyrë ka qenë rreth 44,000 franga.

    Të premten i akuzuari ishte para gjyqit me procedurë të shkurtër në Gjykatën e Qarkut, në Pfäffikon.

    I pyetur nga gjykatësi përse nuk i kishte dorëzuar paketat, ai pati një përgjigje të çuditshme: “Nga zhgënjimi dhe zemërimi, sepse nuk gjeja adresën e dorëzimit”.

    Në atë kohë ai sapo kishte ardhur nga Gjeneva për të jetuar në Cyrih dhe nuk i njihte rrugët përkatëse, përcjell albinfo.ch. Kjo është arsyeja pse ai kryesisht i mbante paketat në shtëpi dhe shiste një pjesë të vogël të tyre.

    “Pasi i kisha grumbulluar mallrat në banesën time, nuk dija çfarë të bëja me to”. Ai ndihet keq dhe betohet se nuk do të bëjë kurrë më diçka të tillë në jetë.

    Ilegalisht në Zvicër që nga viti 2009

    Vendimi i propozuar i prokurorit parashikon një burgim me kusht prej dymbëdhjetë muaj për vjedhje masive dhe dëbim shtatë-vjeçar nga Zvicra.

    44-vjeçari nuk kishte asnjë problem me dënimin: “Unë do të kisha pranuar një dënim më të gjatë, ndihem fajtor”. Porf, kur gjykatësi përmendi dëbimin shtatë-vjeçar nga vendi, ai u lut: “Unë nuk mund të kthehem në Kosovë, më jepni edhe një shans tjetër”.

    Kosovari ka jetuar dhe punuar në Zvicër pa leje qëndrimi apo pune që nga viti 2009. Ai më parë kishte punuar si punëtor, bojaxhi dhe shtrues pllakash. Sipas avokatit të tij, megjithatë, ai ishte regjistruar në kompaninë e sigurimeve shëndetësore dhe AHV, dhe, nisur nga kjo, ai konsideronte se ishte i regjistruar zyrtarisht në Zvicër.

    Gjykata ia kthen dosjen prokurorisë për ripërpunim

    Pas debateve të gjata, gjykata nuk mori vendim. Ishte e vështirë të bëhej kjo me procedurë të shkurtuar, është shprehur kryetarja e trupit gjykues. I akuzuari kishte thënë gjatë gjykimit se ai i kishte shitur mallrat e vjedhura vetëm njëherë, kunatit të tij me vlerë 500 franga. Në aktakuzë përmenden edhe mallra të tjerë të shitur.

    Ai gjithashtu thuhet se kishte për qëllim të shiste mallra të grumbulluara, gjë që akuzuari e ka mohuar në seancë, përcjell albinfo.ch. “Për këto arsye, gjykata nuk ka marrë vendim, por do t’ia kthejë dosjet prokurorit publik” thotë gjykatësja. Asaj (prokurorisë) pastaj do t`i duhet të shkruajë një aktakuzë të re dhe çështja do të merret nga gjykata në rrjedhën e zakonshme të rregullt procedurale.

    Petrol Company thyen rekordet me: çmimet, kualitetin dhe aktivitetet
    Nga Rubrika
    Lajme29 Mars 2024
    Policia e Kosovës në dy raste të ndara, në tre rajone të ndryshme ka sekuestruar lëndë narkotike të dyshuara për kokainë dhe...
    Lajme29 Mars 2024
    Lidhja Demokratike e Kosovës dhe Lëvizja Vetëvendosje, kanë mendime të ndryshme sa i përket meritave për avancimin e Kosovës drejtë anëtarësimit në...
    Lajme29 Mars 2024
    Deputeti i Lëvizjes Vetëvendosje, Dimal Basha, ka goditur opozitën lidhur me investimet për blerje të sistemeve të armatimit, ku ka thënë se...
    Të tjera
    Lajme29 Mars 2024
    Ministri italian i Mbrojtjes, Guido Crosetto, ka mbërritur në Aeroportin Ndërkombëtar të Prishtinës, “Adem Jashari”. Siç njofton Ambasada e Italisë në vendin...
    Bota/Rajoni29 Mars 2024
    Një autobus me rreth 60 pasagjerë u aksidentua në shtetin perëndimor të Gjermanisë Veriore-Vestfalia, duke lënë të lënduar 21 persona, njëri prej...
    Kronika29 Mars 2024
    Një burrë ka njoftuar policinë se sipas tij, një i dyshuar, i njohur për ankuesin, dyshohet se ia ka vjedhur vetën e...
    Kronika29 Mars 2024
    Policia e Kosovës ka njoftuar se ka arrestuar një person në Prizren, pasi i njëjti kishte ushtruar dhunë fizike ndaj katër personave....
    Kronika29 Mars 2024
    Një grua ka njoftuar policinë se derisa ka qenë në vendin e saj të punës, ka hyrë një person i dyshuar me...
    Kronika29 Mars 2024
    Është arrestuar një person në Pejë nën dyshimin për përgatitje të veprës penale “vrasje e rëndë”. Sipas raportit policor, i dyshuari me...

    FrontOnline, © 2024 Të gjitha të drejtat e rezervuara.