×
  • Lajme
  • Lajme

    Ngjarja që tmerroi mbrëmë spitalin në Ferizaj, policia hodhi gaz lotsjellës në veturën ku gjendej një grua shtatzënë

    FrontOnline
    04 Dhjetor 2020

    Për një kohë të shkurtër mbrëmë një paciente mori dy herë trajtim në Repartin e Gjinekologjisë në Spitalin Rajonal të Ferizajt. Sipas infermieres ajo u rikthye edhe njëherë për trajtim në spital, pasi që, sipas saj, policia hodhi gaz lotsjellës në veturën ku ajo gjendej me burrin dhe me vajzën e saj trevjeçare, pasi kishin dalë në orën policore.

    Këtë e ka konfirmuar  edhe drejtori i spitalit dhe Policia. Edhe Inspektorati policor konfirmon se do të nis hetim për këtë rast.

    “Të tmerruar e me lot në sy”. Kështu i përshkruan një infermiere kujdestare në Repartin e Gjinekologjisë në Spitalin Rajonal të Ferizajt, një grua shtatzënë dhe vajzën e saj trevjeçare. Ato morën mbrëmë trajtim në këtë spital, pasi sipas infermieres pretendohet se zyrtarët policorë kanë hedhur gaz lotsjellës në makinën e tyre.

    E njëjta paciente, sipas infermieres përgjatë orës policore ka kërkuar trajtim në spital pasi që e njëjta është në muajin e katërt të shtatzënisë.

    Pretendimet e infermieres i ka konfirmuar edhe drejtori i Spitalit Rajonal të Ferizajt, Jeton Zeqiri. Në një përgjigje për Express, ai tha se pacientja është kthyer për herë të dytë në spital pas ndalimit që i është bërë nga policia.

    “Po pacientja është kthyer për herë të dytë ku burri i saj është ndaluar nga policia. Inspektorati policor sipas informatave qe kemi është  duke u marr me rastin. Gjendja e pacientes pas kontrolles është stabile”, ka thënë Zeqiri.

    Express sot gjatë ditës ka kontaktuar edhe me zyrtarë të Policisë së Kosovës në rajonin e Ferizajt. Agim Gashi, zëdhënës i policisë, tha për Express se janë të njoftuar për rastin i cili sipas tij ka filluar për shkak të mosrespektimit të urdhrave të policit.

    “Ndaj personit është bërë fletëparaqitje për mosrespektim të urdhrave të policit dhe jemi duke grumbulluar informata edhe nga  dëshmitarët për rastin. Është njoftuar Inspektorati Policor i Kosovës dhe ne jemi në fazën e të gjeturave. Më pas do të ndërmerren masat konform të gjeturave dhe fakteve të grumbulluara”, ka thënë Gashi.

    Inspektorati policor ka  konfirmuar  se ka pranuar informatën lidhur me këtë rast dhe se tashmë veçse kanë filluar hetimet për këtë rast.

    “Inspektorati Policor i Kosovës nga burimet të ndryshme ka pranuar informatën lidhur me këtë rast dhe sipas detyrës zyrtare ka filluar grumbullimin e informatave shtesë që kanë të bëjnë me rastin duke filluar një hetim preliminar.

    Në ndërkohë infermierja që zbuloi vetëm inicialet e emrit të saj, ka thënë që ndihet e tmerruar nga ky rast. Ajo ka shprehur shqetësim se si qytetarët nuk paskan të drejtë që të dalin në rrugë gjatë orës policore as për nevoja urgjente.

    “Sonte me dt.03.11.2020 jam kujdestare ne Spitalin Rajonal Ferizaj ne repartin e gjinekologjise! Ne ora 21:30 vjen pacientja shtazene ne muajin e 4-t….bene nje kontroll dhe shkon ne shtepi! Rreth ores 22:20 vjen e njejta, e traumatizuar me lot ne sy nga gazi lotesjelles qe e kan hudh policia  ne veture qe ishte bashkeshorti i saj dhe qika e vogel rreth 3 vjeqe….. Zott qfar tmerri…qante femiju…..i lotonin syt..qante gruaja. Ne si staff u tmerruam nga ajo sjellje e policeve shqiptare!! Po “shkije”me qene  ani s’arsyerohet ..edhe nese “burri ka rezistu “…gru shtazen plus femije ne veture……TMERR TMERR TMERR. Eshte ore policore edhe s’paskan te drejte as nevojtaret te dalin ne rrug a?!”, thuhej në shkrimin njoftues së infermierës së këtij spitali.

    Formula 1 vjen në Artmotion më "i çmendur" se kurrë
    Nga Rubrika
    Lajme28 Mars 2024
    Gjykata Evropiane për të Drejta të Njeriut do të jetë derë e re për drejtësi për shtetasit e Kosovës, nëse vendi anëtarësohet...
    Lajme28 Mars 2024
    Gjatë sesionit të paradites, ish-diplomati amerikan, Shaun Byrnes u mor në pyetje nga gjyqtari Guénaël Mettraux i cili e pyeti lidhur me një...
    Lajme28 Mars 2024
    Deputeti nga radhët e Lëvizjes Vetëvendosje, Visar Korenica, ka ngritur dyshimet se për votimin e disa projektligjeve nuk ka pasur kuorum të...
    Të tjera
    Bota/Rajoni28 Mars 2024
    Ish-kryeministri i Shqipërisë, Sali Berisha ka marrë pjesë nëpërmjet një lidhje të drejtpërdrejtë ndërsa ndodhet në arrest shtëpiak në aktivitetin dedikuar 15-vjetorit...
    Lajme28 Mars 2024
    Është gjetur në një humnerë, personi i raportuar si i zhdukur në Prevallë, një ditë më parë. Lajmin e ka konfirmuar policia...
    Bota/Rajoni28 Mars 2024
    Presidenti i Serbisë, Aleksandar Vuçiq ka refuzuar të komentojë edhe sot, votimin drejt pranimit të Kosovës në Këshillin e Evropës. I pyetur...
    Lajme28 Mars 2024
    Genc Prelvukaj, këngëtari i njohur i është futur seriozisht politikës. Prelvukaj është bërë pjesë e kryesisë së Partisë Demokratike të Kosovës. Këtë...
    Vip28 Mars 2024
    Nita Latifi sot feston ditëlindjen e 32-të. Këngëtarja e njohur morri urime të përzemërta nga miqtë e familjarë të saj. Mes urimeve...
    Sport28 Mars 2024
    Real Madridi ka filluar të rinovojë kontratat me disa nga futbollistët e tyre. I pari ishte mesfushori gjerman, Toni Kroos, i cili...

    FrontOnline, © 2024 Të gjitha të drejtat e rezervuara.