Gjykata Themelore në Prishtinë, Dega në Podujevë ka shpallur aktgjykimin kundër të akuzuarve A.S dhe D.S, të cilët në bashkëkryerje kanë kryer veprën penale “lëndim i rëndë trupor”.
Të akuzuarit A.S dhe D.S janë shpallur fajtorë dhe janë dënuar me dënim me burgim në kohëzgjatje një viti për secilin veç e veç.“Ky dënim do të ekzekutohet në afat prej 15 ditësh pas plotfuqishmërisë së aktgjykimit.
Në këtë dënim do t’ju llogaritet edhe koha e kaluar në paraburgim dhe arrest shtëpiak nga data 07.05.2020 deri me datë 07.08.2020”.
“Të akuzuarit A.S dhe D.S me datë 07.05.2020 pas një mosmarrëveshje paraprake, e kishin goditur të dëmtuarin V.K me mjet të rrezikshëm në pjesë të ndryshme të trupit, po ashtu në fytyrë dhe kokë, duke i shkaktuar thyerje dhe plagë në hundë dhe në kokë, ku i njëjti si pasojë e goditjeve kishte pësuar lëndime të rënda trupore”.
“I dëmtuari V.K është udhëzuar në kontest të rregullt juridiko-civil, për realizimin e kërkesës pasurore-juridike”.“Palët kanë të drejtën e ankesës në Gjykatën e Apelit të Kosovës”.