Vezët janë të pasura me proteina dhe është vërtetuar se rrisin ndjenjën e ngopjes dhe reduktojnë marrjen e ushqimit më vonë gjatë ditës.

Kosi

Kosi është një ushqim i pasur me proteina, i lidhur gjithashtu me reduktimin e urisë dhe reduktimin e marrjes së ushqimit.

Manaferrat

Manaferrat janë të pasura me lëndë ushqyese dhe fibra. Studimet kanë treguar se ngrënia e tyre mund të ndihmojë në uljen e marrjes së kalorive dhe humbjen e peshës.

Grejpfrut

Grejpfruti është një ushqim me pak kalori i pasur me ujë dhe fibra. Studimet kanë treguar se ndihmon në procesin e humbjes së peshës, dhe grejpfruti i freskët është një shtesë e shkëlqyer për smoothie-t dhe sallatat e frutave.

Kafe

Kafeja përshpejton metabolizmin dhe djeg yndyrat, dhe konsumimi afatgjatë i kafesë ndihmon në kontrollin e peshës. Gjithsesi kujdes mos e teproni me sheqerin dhe qumështin.

Kivi

Kivi është një tjetër frut i pasur me fibra, falë të cilave ul oreksin dhe përshpejton rënien në peshë. Ky frut jeshil vepron edhe si një laksativ natyral.

Çaji jeshil

Çaji jeshil dhe përbërësit e tij ndihmojnë në djegien e yndyrës dhe kalorive, gjë që ndihmon në humbjen e peshës. Ka disa mënyra për të shijuar çajin jeshil – mund të shtoni limon të shtrydhur, pak mjaltë, xhenxhefil, nenexhik.

Farat Chia

Farat e vogla por të fuqishme Chia janë një shtesë e shkëlqyer për mëngjes. Ato janë të pasura me fibra dhe proteina, dhe mund t’i shtoni në çaj, tërshërë, smoothie… Hulumtimet kanë treguar se shtimi i farave chia në mëngjes ndihmon për të humbur peshë.

Farat e lirit

Farat e lirit janë të pasura me fibra të tretshme, të cilat rritin ndjenjën e ngopjes dhe reduktojnë oreksin. Mund t’i shtoni mbi drithëra, t’i përdorni për smoothiet ose t’i përzieni me ujë për të rritur marrjen e fibrave./abcnews.al