×
  • Lajme
  • Lajme

    Nënkryetari i Prishtinës: Ka pasur tendenca për ta futur Prishtinën në karantinë

    FrontOnline
    06 Korrik 2020

    Prishtina, Vushtrria, Prizreni dhe Ferizaj, nga sot i janë kthyer masave kufizuese që u vendosën një ditë më parë nga Qeveria e Kosovës, për shkak të rritjes së numrit të rasteve me virusin Covid-19, në këto qytete.

    E këto masa janë mirëpritur nga udhëheqësit komunal. Nënkryetari Prishtinës, Muhedin Nushi, në një prononcim për Front Online, ka thënë se rikthimi i masave kufizuese ka qenë vendim i duhur.

    “Jemi në kontakte të vazhdueshme me të infektuarit dhe këto masa të cilat Qeveria dje i ka vendosur, janë masa të mirëseardhura, sepse fatkeqësisht numri i të infektuarve është në rritje e sipër. Normal që nuk jemi të kënaqur me karantinimin sepse nuk jemi të interesuar që të kthejmë kryeqytetin të karantinuar por që kjo masa nga ora 21:00 deri në 05:00, mendoj që është një masë që duhet të respektohet nga qytetarët dhe nga bizneset”, ka thënë  Nushi për Front Online

    Sipas tij, masat e vendosura e kanë për qëllim që ta ngadalësojnë numrin e të infektuarve në kryeqytet.

    “Qëllimi i këtyre masave nuk është që të ndalojmë virusin. Virusin nuk mund ta ndalojmë ose ta eliminojmë. Qëllimi është ta ngadalësojmë këtë ritëm të të infektuarve  në qytetin tonë.

    Nënkryetari i Prishtinës, Muhedin Nushi, ka thënë për Front Online, se përgjatë javës së kaluar ka pasur tendenca nga Qeveria dhe institucionet tjera shëndetësore, që ta fusin Prishtinën në karantinë.

    “Të martën e kaluar ka pasur tendenca ose tentime që kryeqyteti të futet në karantinë, por që u kemi kërkuar që të presim vetëm edhe pak kohë, me shpresë që situata do të ndryshojë.  Pa marr parasysh të gjitha këto, masat e mbrëmshme janë masa restriktive dhe ajo çfarë neve na ka pëlqyer edhe më shumë, është që na janë plotësuare edhe kërkesat, rekomandimet dhe dëshirat tona që si Komunë  e Prishtinës i kemi shpalosur paraprakisht para një muaji përmes 8 pikave rekomanduese, në mënyrë që të bëhet edhe decentralizimi i testimeve”, ka thënë ai.

    Kështu për të mos e rikthyer karantinën në kryeqytet, ai u ka bërë thirrje prishtinasve që të respektojnë masat e vendosura nga institucionet shtetërore dhe shëndetësore.

    “I lus qytetarët që t`i respektojnë masat dhe të mos e detyrojnë Qeverinë që të na kthejë mbrapa, sepse ne si komunë nuk e duam kthimin mbrapa. Le të mbajnë maskën dhe distancën 1.5 ose 2 metra”, ka thënë Nushi.

    Nënkryetari i Prishtinës: Lufta me Coronavirus na pret deri në fund të vitit

    Coronavirusi mund të mos largohet deri në fund të vitit. Kështu ka pohuar nënkryetari i Komunës së Prishtinës, Muhedin Nushi, i cili në një deklaratë dhënë për Front Online, ka thënë që numri i të infektuarve mund të ulet por jo edhe të zhduket në tërësi virusi.

    “Ne kemi qenë i vetmi shtet në rajon që i kemi pasur të centralizuara këto punë, prandaj decentralizimi luan rolin e vet dhe besoj shumë që do të vjen deri tek ulja e numrit të të infektuarve por assesi deri tek zhdukja  e virusit, sepse kjo luftë do të na pret së paku deri në fund të vitit”, ka thënë ai.

    655 raste aktive në Prishtinë, Nushi: Mos bëni panik, jemi mirë krahasuar me rajonin

    Prishtina së fundmi ka shënuar rekord të rasteve të paraqitura me Coronavirus. Sipas Nushit, kryeqyteti aktualisht ka 655 raste aktive me virus.

    “Kryeqyteti, respektivisht Komuna e Prishtinës aktualisht ka 900 të infektuar. Deri më tani në total janë 655 raste janë aktive. 241 raste janë shëruar ndërsa kemi edhe 4 raste për fat të keq me fatalitet”, ka thënë ai.

    Bazuar në këto të dhëna, sipas tij, Prishtina ka një përqindje shumë më të vogël të infektuarve me Coronavirus, nëse krahasohet me vendet e rajonit.

    “Bazuar në numrin e popullsisë me përqindje i bie që vetëm 0.45% e popullsisë së Prishtinës, janë të infektuar me Coronavirus, e që është një përqindje shumë e ulët nëse e krahasojmë me vendet e rajonit, ose me kryeqytetet e tjera të rajonit. Prandaj këtë të mos e marrim si panik por vetëm të jemi më të kujdesshëm në zbatimin  e rekomandimeve”, ka thënë ndër të tjera nënkryetari i kryeqytetit.

    Prishtinë: 18 punëtorë shëndetësorë me Coronavirus, 54 në vetizolim

    Nënkryetari i Komunës së Prishtinës, Muhedin Nushi, në një deklaratë për Front Online, ka konfirmuar se deri më tani 18 punëtorë shëndetësorë janë të prekur me Coronavirus në Prishtinës.

    “Komuna e Prishtinës vetëm punëtorë shëndetësorë i ka të infektuar 18 të tillë dhe diku 54 të tjerë në vetizolim deri në marrjen e rezultateve të testeve”, ka potencuar ai.

    Me vendosjen e masave të reja nga Qeveria e Kosovës, sipas Nushit, pritet të bëhen edhe testet serologjike, e që fillimisht janë propozuar nga paria i kryeqytetit, Shpend Ahmeti.

    “Ne kemi propozuar pikërisht këtë lloj të testimit serologjik, dhe në vendimin që është propozuar nga Qeveria, dhe që është aprovuar nga Qeveria është që këto teste serologjike do të kryhen edhe në institucione shëndetësore tjera por edhe në klinika tjera private. Decentralizimi i ofrimit të këtyre shërbimeve përfshirë këtu edhe testimet”, ka deklaruar ai.

     

     

     

    Njoftimet nga KEDS për punimet në rrjet, vendet që do të mbesin pa rrymë
    Nga Rubrika
    Lajme29 Mars 2024
    Ministrja e Drejtësisë, Albulena Haxhiu ka akuzuar përfaqësuesit e Këshillit Gjyqësor dhe Prokurorial për tendencë kushtëzimi për Ministrinë e Drejtësisë. Ajo tha...
    Lajme28 Mars 2024
    Rusia dështoi të enjte në përpjekjen për një seancë të Këshillit të Sigurimit të Kombeve të Bashkuara, ku do të diskutohej rreth...
    Lajme28 Mars 2024
    Kryeministri Albin Kurti, ka bërë iftar bashkë me ambasadorin e Turqisë në Kosovë, Sabri Tunç Angılı, zëvendësministrin në Ministrinë e Punëve të...
    Të tjera
    Lajme28 Mars 2024
    Kandidati i PDK-së për kryeministër, Bedri Hamza, ka folur për kandidaturën e tij dhe përballjen në zgjedhje me kryetarin e VV-së, Albin...
    Sport28 Mars 2024
    Florian Marku këmbëngul se Chris Kongo, kundërshtari i tij mbrëmjen e së dielës, ka bërë një gabim të madh. Kongo, pohon ai,...
    Lajme28 Mars 2024
    Ministrja e Drejtësisë, Albulena Haxhiu, ka reaguar pas triumfit të jashtëzakonshëm të studentëve të Fakultetit Juridik të Universitetit të Prishtinës, të cilët...
    Lajme28 Mars 2024
    Kandidati për kryeministër nga radhët e Partisë Demokratike të Kosovës, Bedri Hamza, ka thënë se asnjë qeveri s’ka mundësi që t’i kryej...
    Lajme28 Mars 2024
    Policia e Kosovës është bërë pjesë e Taskforcës së Përbashkët të Migracionit me autoritetet ligjzbatuese të Republikës së Shqipërisë dhe të Mbretërisë...
    Lajme28 Mars 2024
    Kryetari i Lidhjes Demokratike të Kosovës (LDK), ka folur në Kuvend të Kosovës për tenderët njëburimore. Opozita edhe gjatë seancës së fundit...

    FrontOnline, © 2024 Të gjitha të drejtat e rezervuara.