×
  • Lajme
  • Lajme

    Nënkryetari i LDK’së: Buqlliqi është uzurparor, LVV s’di të punojë për shtet

    FrontOnline
    22 Nëntor 2020

    Ministri i Punëve të Brendshme, Agim Veliu, thotë se Lëvizja Vetëvendosje nuk di të bëjë veprime të mençura për shtetin, sipas tij, kjo parti vetëm di t’i sulmojnë institucionet e vendit me molotov.

    Gjatë një bisede për Gazetën Express, ish-kryetari i Podujevës për disa mandate rresht, thotë se kandidati i LVV-së Shpejtim Bulliqi, është uzurpator dhe shtëpinë e banimit e ka të ndërtuar në pronë të komunës.

    Këto komente Veliu i dha pasi javën që lam pas kundër tij dhe dy ish-drejtorëve të tij, dega e LVV-së në Podujevë ka iniciuar kallëzim penal për “ndërtime të egra”.

    Ministri Veliu tha se nuk merret me veprimet e LVV-së pasi sipas tij, partia e Albin Kurtit merret me shpifje e akuza.

    “ S’merrna me komente të veprimeve të tyre fare, po çfarë akuzash ata, ata nuk dinë kurgjë tjetër të bëjnë, vetëm shpifje e akuza, ata kurfarë veprimi të mençur nuk dinë të bëjnë për këtë vend e për këtë shtet. Vetëm dinë të bëjnë akuza e gënjeshtra, dinë me i sulmu institucionet e shtetit me molotov e me ato që i kanë sulmuar”, tha Veliu të dielen për Gazetën Express.

    Ai tha se LVV e akuzon atë, por thekson se kandidati i kësaj partie për të parin e Podujevës, Shpejtim Bulliqi, është uzurpator sepse e ka ndërtuar shtëpinë në pronën e komunës.

    “Ata akuzojnë dikë, a e kanë kandidatin e tyre uzurpator të pronës publike, ai e ka ndërtu shtëpinë në pronën e komunës, edhe qysh janë qytetarët të sigurtë që ai do t’i mbrojë interesat e komunës, kur ai është uzurpatori vet”, tha më tej Veliu.

    Për këtë çështje ai tha se janë procedura që duhet iniciuar komuna, teksa e theksoi edhe njëherë se shtëpia e Bulliqit është e ndërtuar në pronën publike të komunës së Podujevës.

    “Sigurisht ato janë procedura që komuna duhet me i iniciu, ai me një debat e ka mohu, por tatimi në pronë dhe gjithë dokumentacioni e vërteton që shtëpia është e tij e ndërtuar në pronën e Komunës, ai është munduar mirëpo e vërteta është që ai, po e theksoj edhe njëherë shtëpinë e banimit e ka të ndërtuar në pronën e komunës”, tha Veliu për Gazetën Express.

    Tutje, Veliu parashikoi se LDK do ta fitojë sërish Podujevën, teksa shton se kjo do të ndodh në “raundin e parë”.

    “Jam i bindur që LDK prap do ta udhëheq Komunën e Podujevës sepse ka qeverisë mirë, deri më sot nuk e ka asnjë aferë korruptive e as shkelje ligji, as dëmtim të pasurisë së shtetit, as pronës, përkundrazi kandidati i tyre është uzurpues dhe ka ndërtu shtëpi në pronën e komunës”, përfundoi Veliu.

    Lëvizja Vetëvendosje dega në Besianë, të enjten ka dorëzuar kallëzim penal kundër ish-kryetarit të Besianës, Agim Veliu, ish-drejtorit të planifikimit urbanistik Durim Salihu dhe ish-drejtoreshës së Inspekcionit Florie Besholli, kallëzimi penal ka të bëjë me ndërtimet e egra në këtë komunë.

    Kështu bëri të ditur njëri nga përfaqësuesit e Lëvizjes Vetëvendosje, në një paraqitje para mediave.

    “Kemi dorëzuar kallëzim penal kundër ish-kryetarit të Besianës Agim Veliu, së bashku me dy vartësit e tij, ish-drejtorin e planifikimit urbanistik Durim Salihu dhe ish-drejtoreshës së Inspekcionit Florie Besholli, kallëzimi ka të bëjë me ndërtimet e egra në Komunën e Podujevës”, tha përfaqësuesi i LVV-së.

    “Ne fillimisht kemi dërguar një kërkesë me tri pyetje në Drejtorinë e Planifikimit Urbanistik dhe në bazë të përgjigjes që kanë dhënë kemi vërejtur se dy ndërtime janë në kundërshtim me rregulloren e planit urbanistik”, shtoi ai.

    Tutje aty u tha se ka shkelje flagrante të planit urbanistik në Komunën e Podujevës.

    Teksa u kërkua nga prokuroria të iniciojë rastin dhe Gjykata të nxjerrë një aktgjykim të merituar për personat në fjalë.

    KEDS tregon ku do të ketë nesër ndërprerje të rrymës
    Nga Rubrika
    Lajme19 Prill 2024
    Anëtari i kryesisë së PDK-së, Arben Mustafa ka përshkruar si shumë të rëndë situatën ekonomike në vend bile ai ka shkuar aq...
    Lajme19 Prill 2024
    Inspektorati Policor i Kosovës ka rekomanduar suspendimin e një rreshteri policor, pasi një ankese nga një qytetar sot në Prizren. Sipas tij,...
    Lajme19 Prill 2024
    Një 17 vjeçar është arrestuar sot në Ferizaj nën dyshimin se ka tentuar ta vras me thikë një 20 vjeçar. I lënduari...
    Të tjera
    Bota/Rajoni19 Prill 2024
    Ndihmëssekretari i Byrosë për Çështje Evropiane dhe Euroaziatike i Departamentit të Shtetit Amerikan, James O’Brien, nesër do qëndrojë në Beograd. Ai madje...
    Bota/Rajoni19 Prill 2024
    Ka dështuar për të tretën herë, nisja e gjyqit të themelit për 19 të pandehurit në dosjen e ashtuquajtur si “Plumbi i...
    Sport19 Prill 2024
    Komisioni Disiplinor dhe i Etikës i Federatës së Futbollit të Kosovës të premten ka shpallur dënimet për të përfshirët në kurdisjen e...
    Lajme19 Prill 2024
    Ministria e Punëve të Jashtme dhe Diasporës e Kosovës, ka konfirmuar arrestimin nga policia serbe të shtetasit kosovar dhe asaj britanike, Sadik...
    Sport19 Prill 2024
    Berat Gjimshiti zhvilloi një tjetër paraqitje mbresëlënëse me Atalantën në UEFA Europa League  në sfidën e dytë çerekfinale ndaj Liverpoolit, aty ku...
    Lajme19 Prill 2024
    Prokuroria Themelore në Prishtinë të enjten dorëzoi në Gjykatën Themelore në Prishtinë kërkesën për caktim të masës së paraburgimit ndaj Edin Nevzadit, administrator...

    FrontOnline, © 2024 Të gjitha të drejtat e rezervuara.