Kronika

Në Tërnoc të Bujanocit sekuestrohen 300 kg marihuanë, arrestohen pesë persona (Video)

Në Tërnoc të Bujanocit sekuestrohen 300 kg marihuanë, arrestohen pesë persona (Video)
11:59 | 27 Janar 2022

Pjesëtarët e Njësitit Kundër Drogës të Policisë së Serbisë, në bashkëpunim me Prokurorinë e Lartë Publike në Nish, kanë arrestuar pesë persona nën dyshimin e kryerjes së veprës penale të prodhimit dhe shpërndarjes së paautorizuar të narkotikëve dhe sekuestrohen 300 kilogramë marihuanë, transmeton Front Online.
Nga ky aksion të arrestuar kanë mbetur pesë persona me inicialet: E. N. (1972), M. A. (1987), F. L. (1993), B. S. (1982) dhe A. T. (1953) “për ekzistimin e dyshimit se kanë kryer vepër penale të prodhimit dhe shpërndarjes së paautorizuar të narkotikëve”.
Të dyshuarit janë arrestuar në tentativë për dorëzimin e marijuanës, të cilën e kanë transportuar me furgon në rrugën ndërmjet Tërnovec dhe fshatit Turi, dhe gjatë kontrollit në lokalet dhe automjetet që kanë përdorur, janë gjetur 87 pako me marijuanë, të përgatitura për shitje.
Ministria e Punëve të Brendshme, ka publikuar videon e momentit të arrestimit të pesë të arrestuarve në rrugën Tërnoc – Turi me dyshimin e posedimit të drogës ndaj të cilëve do të zhvillohet procedurë gjyqësore. (LuginaLajm)

 

Apliko online për kredi në IBAS, përfito subvencionim nga Qeveria

Të tjera