[wp-story]

Bota/Rajoni

Në prag të zgjedhjeve amerikane, Dua Lipa diskuton me Bernie Sanders për një sistem universal shëndetësor

Në prag të zgjedhjeve amerikane, Dua Lipa diskuton me Bernie Sanders për një sistem universal shëndetësor
09:18 | 27 Tetor 2020

Kur ka mbetur vetëm një javë deri në datën e zgjedhjeve presidenciale në Shtetet e Bashkuara, këngëtarja e famshme shqiptare, Dua Lipa, ka zhvilluar një diskutim në mënyrë virtuale me ish-kandidatin për president të ShBA-së, Bernie Sanders. Gjatë diskutimit, ata kanë folur për sistemin shëndetësor dhe i kanë krahasuar dallimet mes Shteteve të Bashkuara dhe Britanisë së Madhe në këtë fushë.

Këtë diskutim e publikoi në llogarinë e tij në Tëitter vetë politikani amerikan, ku shkroi: “Shpresoj që amerikanët që po e shikojnë këtë të dëgjojnë se çfarë ka për të thënë Dua Lipa rreth kujdesit shëndetësor në Mbretërinë e Bashkuar. Garantimi i kujdesit shëndetësor si një e drejtë nuk është diçka radikale. Është diçka që secili shtet tjetër i madh tashmë e bën”.

Gjatë diskutimit, Dua e pyet senatorin Sanders pse njerëzit nuk po protestojnë për kujdes shëndetësor universal, ndërsa ai i përgjigjet tërthorazi me një pyetje tjetër.

Sipas tij, amerikanët nuk e dinë si funksionojnë sistemet shëndetësore në Britani, Kanada apo Australia, prandaj i drejtohet me një pyetje këngëtares shqiptare me famë botërore: “Kur ti sëmurësh apo familja jote sëmuret apo kur dikush duhet të shkojë në spital, sa ju kushton që të shkoni atje?”

Dua i përgjigjet: “Është tërësisht falas. Ne britanikët shërbimin shëndetësor kombëtar e konsiderojmë si një të drejtë, njësoj sikur pasja e ujit të rrjedhshëm në shtëpi.

Sanders më pas thotë: “A e dëgjuan të gjithë në Shtetet e Bashkuara atë që e tha ajo? Në Britani, kujdesi shëndetësor, që nga fundi i viteve të dyzeta, është cilësuar si e drejtë njerëzore, jo si privilegj”.

Dy figurat e njohura më pas diskutojnë për lidhjen mes humbjes së vendit të punës, sidomos në kohën e pandemisë, dhe humbjen e qasjes në kujdes shëndetësor pa pagesë. Diskutimin e tyre mund ta ndiqni në këtë video:

“Petrol Company” ul çmimet për 15 %. Ja sa kushton një litër naftë

Të tjera