×
  • Lajme
  • Lajme

    Në këtë kompani dyshohet se u ekzekutuan 2 milionë euro nga Thesari

    FrontOnline
    21 Tetor 2020

    Në kompaninë “LDA Group” dyshohet se transferuan mbi 2 milionë eurot e marra ilegalisht nga Thesari i Shtetit, ka mësuar Gazeta Insajderi.

    Burime të Insajderit brenda autoriteteve të drejtësisë, kanë bërë të ditur se 2.077.995.90 euro nga Thesari i Shtetit kanë kaluar në llogarinë e kompanisë private “LDA Group”.

    Sipas të njëjtave burime, gazeta ka mësuar se pas ekzekutimit në xhirollogarinë e “LDA Group”, mjetet pastaj janë transferuar në disa kompani të tjera.

    “LDA Group” është pronë e Valon Shalës, sipas të dhënave publike të cilat figurojnë në Agjencinë për Regjistrimin e Bizneseve të Kosovës (ARBK).

    Kompania ka bazën në Komunën e Drenasit, konkretisht në fshatin Llapushnik të kësaj komune.

    Bazuar në të dhënat e publikuara në ARBK, kompania “LDA Group” është regjistruar si biznes më 21 gusht të vitit 2019, raporton Gazeta Insajderi.

    Lidhur me këtë skandal, Policia e Kosovës ka arrestuar një person mbrëmjes e së martës, ndërkaq është në vënë në ndjekje të dy personave të tjerë të dyshuar për keqpërdorim të detyrës zyrtare.

    Policia ka njoftuar sot përmes raportit 24-orësh se është kërkuar bllokimi i llogarive ku dyshohet të jenë transferuar mjetet.

    “Me 20.10.2020 23:35 pas hetimeve të zhvilluara është arritur të arrestohet një i dyshuar m/k dhe dy të tjerë gjenden në arrati. Të dyshuarit dyshohet se duke keqpërdorur detyrën zyrtare duke përdorur thesarin shtetëror të Republikës së Kosovës kanë transferuar para në vlerë 2.077.995.90 milion euro”, thuhet në raportin e Policisë.

    Për transferimin ilegal të mjeteve ka shpalosur sot detaje edhe ministrja e Financave, Hykmete Bajrami.

    Në një konferencë të jashtëzakonshme për media, ministrja Bajrami ka thënë se kanë ndodhur katër transaksione të dyshimta me vlerë të përgjithshme prej mbi 2 milionë eurove.

    “Bëhet fjalë për katër transaksione të dyshimta të cilat kanë ndodhur nga llogaria e Thesarit të Kosovës, e cila është pjesë e Ministrisë së Financave dhe rreth 2 milionë euro kanë shkuar në llogari të një operatori ekonomik”, ka thënë Bajrami.

    Udhëheqësja e Ministrisë së Financave ka thënë se “me t’u njoftuar për rastin, menjëherë dje kemi njoftuar organet e drejtësisë”.

    “Unë dola këtu për të thënë që ne tanimë kemi gjurmuar të gjitha transaksionet që janë bërë si rezultat i këtij transaksioni, i cili është keqpërdorim i detyrës zyrtare dhe institucionet e rendit po bëjnë përpjekje maksimale që këto mjete t’i kthehen buxhetit të Republikës së Kosovës”, ka deklaruar Bajrami.

    Sipas ministres Bajrami, nuk bëhet fjalë për tërheqje të mjeteve në formë “cash”, por në mënyrë elektronike.

     

    Getinjo kërkon të largohet nga shtëpia e Big Brother VIP Kosova
    Nga Rubrika
    Lajme29 Mars 2024
    Ish-kryeministri i Malit të Zi, Dritan Abazoviq, ka thënë se vota kundër Kosovës e Malit të Zi në Komitetin për Politikë dhe...
    Lajme29 Mars 2024
    Lidhur me çështjen e rrymës në veri për Front Online ka folur edhe kryesuesi i Asamblesë Komunale të Mitrovicës Veriore, Nexhat Ugljani....
    Lajme29 Mars 2024
    Sot do të mbahet mbledhja e radhës e Kryesisë së Kuvendit. Në rend dite votimi i disa marrëveshjeve ndërkombëtare e themelimi i...
    Të tjera
    Lajme29 Mars 2024
    Shoqata e Kosovës për Kërkim dhe Shpëtim ka bërë të ditur se po vazhdojnë kërkimet për gjetjen e një personi të zhdukur...
    Lajme29 Mars 2024
    Faturimi i rrymës ende s’ka filluar anipse më 9 dhjetor të 2023-tes, KEDS pati nënshkruar kontratë me Elektroserverin për të shpërndarë dhe...
    Lajme29 Mars 2024
    Komisioni për Buxhet, Punë dhe Transfere, si dhe ai për Administratë Publike, Pushtet Lokal, Media dhe Zhvillim Rajonal do të zhvillohen sot....
    Lajme29 Mars 2024
    Ministrja e Drejtësisë, Albulena Haxhiu ka akuzuar përfaqësuesit e Këshillit Gjyqësor dhe Prokurorial për tendencë kushtëzimi për Ministrinë e Drejtësisë. Ajo tha...
    Lajme28 Mars 2024
    Rusia dështoi të enjte në përpjekjen për një seancë të Këshillit të Sigurimit të Kombeve të Bashkuara, ku do të diskutohej rreth...
    Lajme28 Mars 2024
    Kryeministri Albin Kurti, ka bërë iftar bashkë me ambasadorin e Turqisë në Kosovë, Sabri Tunç Angılı, zëvendësministrin në Ministrinë e Punëve të...

    FrontOnline, © 2024 Të gjitha të drejtat e rezervuara.