Bota/Rajoni

Në kërkim për plagosjen e tre personave, arrestohet 25-vjeçari në Përmet

Në kërkim për plagosjen e tre personave, arrestohet 25-vjeçari në Përmet
16:01 | 24 Nëntor 2022

Një 25-vjeçar është vënë në pranga në Përmet, pasi akuzohet për plagosje të kryer në bashkëpunim me babain e tij.

I riu me iniciale J. N., banues në Përmet, më 28.10.2022 ka goditur me sende të forta tre persona, duke i plagosur rëndë.

Babai i të arrestuarit është vënë në pranga direkt pas ngjarjes që ndodhi në vendin e quajtur “Agjencia”.

Materialet procedurale i kaluan Prokurorisë, për veprime të mëtejshme.

Njoftimi policisë:

Lokalizohet, kapet dhe vihet në pranga, një 25-vjeçar, i kërkuar si bashkautor i plagosjes së rëndë, me sende të forta, të 3 shtetasve, ngjarje e ndodhur më 28.10.2022.

Autori tjetër i kësaj plagosjeje (babai i të ndaluarit), u vu në pranga nga shërbimet e Policisë, menjëherë pas ngjarjes.

Shërbimet e Komisariatit të Policisë Përmet në bashkëpunim me shërbimet e Komisariatit të Policisë Nr.1, Tiranë, si rezultat i veprimeve të mirëkoordinuara, si dhe duke u mbështetur në inteligjencën informative, bënë të mundur kapjen në qytetin e Tiranës, dhe ndalimin e shtetasit J. N., 25 vjeç, banues në Përmet.

25-vjeçari ishte shpallur në kërkim pasi më datë 28.10.2022, në bashkëpunim me babanë e tij, shtetasin K. N. (të arrestuar menjëherë pas ngjarjes), janë konfliktuar në vendin e quajtur “Agjencia”, Përmet, me 3 shtetas të tjerë, të cilët i kanë plagosur rëndë, me sende të forta.

Materialet procedurale i kaluan Prokurorisë, për veprime të mëtejshme. /Telegrafi/

8 Marsi në Park Hotel & Spa – Që t’i të ndjehesh si Mbretëreshë ….

Të tjera