Bota/Rajoni

Ndërron jetë nga Covid-19 fëmija 11-vjeçar, më i vogli në vend që humb betejën me virusin

Ndërron jetë nga Covid-19 fëmija 11-vjeçar, më i vogli në vend që humb betejën me virusin
10:57 | 03 Korrik 2020

Një 11-vjeçar nga Miami-Dade në Florida është bërë personi më i vogël në moshë që humb jetën si pasojë e komplikacioneve të shkaktuara nga Covid-19.

Lajmin e ka konfirmuar Departamenti i Shëndetit në Florida.

Sipas të dhënave të fundit shëndetësore, ai është minoreni i tretë në Florida që humb jetën si pasojë e virusit. Dy të tjerët ishin një vajzë 16-vjeçare në qarkun Lee dhe në djalë 17-vjeçar në qarkun Pasco.

Të dhënat tregojnë se rasti i djalit 11-vjeçar nuk është një rast i lidhur me udhëtimet, por është e paqartë nëse ai kohëve të fundit kishte pasur kontakte të ngushta me këdo që ka pasur Covid-19.

Departamenti i Shëndetit në Florida i tha CNN se fëmija kishte pasur edhe probleme të tjera serioze shëndetësore.

Që nga e Premtja e kaluar, 7,000 të mitur në Florida kanë rezultuar pozitivë për koronavirusin e ri. Numri i përgjithshëm i rasteve të konfirmuara në këtë shtet është 169,106.

Shumë sport në platformën Artmotion, sezoni i ri në ligat më të forta të botës sjellë shumë ekskluzivitete

Të tjera