KRU “Gjakova” njofton konsumatorët se ka ndodhur një defekt në gypin kryesor në Gradish të Komunës së Rahovecit!
Nga kjo kompani bëjmë me dije se për arsye të punimeve në lokalizimin dhe sanimin e defektit, janë të detyruar të ndërpresin furnizimin me ujë për fshatrat Gexhë, Radostë, Ratkoc, Vranjak, si dhe një pjesë e fshatit Dejnë.
“Ekipet tona janë duke punuar në sanimin e defektit duke ndërmarrë të gjitha masat e duhura, mirëpo për shkak të natyrës së defektit si dhe terrenit jo të përshtatshëm, mund të ketë vonesë në sanim. Kërkojmë mirëkuptimin e banorëve të zonës!”, thuhet në njoftimin e kompanisë rajonale të ujësjellësit./Front Online/