Sot bëhen 23 vite që nga sulmet terroriste të 11 Shtatorit 2001, të cilat ndryshuan përgjithmonë qytetin e Nju Jorkut dhe SHBA-në. Rreth 3,000 persona humbën jetën kur pjesëtarë të Al-Kaidës përplasën katër aeroplanë në Kullat Binjake, Pentagon dhe një fushë në Pensilvani.
Çdo vit, në mëngjesin e kësaj dite, familjet që humbën të dashurit e tyre gjatë sulmeve më të këqija terroriste në tokën amerikane, mblidhen për të respektuar gjashtë momente të heshtjes dhe për të lexuar emrat e viktimave, duke përmbushur premtimin e shenjtë për të mos harruar kurrë.
Ceremonia e sotme nderoi 2,983 viktima të sulmeve në Qendrën Botërore të Tregtisë, Pentagon, Fluturimin 93.
Memoriali dhe Muzeu i 11 Shtatorit u hapën për familjarët në orën 8:00 të mëngjesit, ndërsa përkujtimi filloi në orën 8:46, kur u mbajt një moment heshtjeje për të shënuar përplasjen e Fluturimit 11 në Kullën Veriore.
Presidenti Joe Biden dhe Zëvendës Presidentja Kamala Harris morën pjesë në ceremoni, së bashku me ish-presidentin Donald Trump dhe figura të tjera politike si Senatori Chuck Schumer dhe Guvernatorja Kathy Hochul.
Liderët publikuan deklarata, duke përsëritur thirrjet për të “mos harruar kurrë” viktimat dhe heronjtë e asaj dite tragjike./RTK
