Kandidati për deputet nga Partia Demokratike e Kosovës (PDK), Nait Hasani, ka zhvilluar një takim në Shtime me aktivistë dhe figura të njohura të partisë. Gjatë këtij takimi, Hasani ishte i shoqëruar nga Ragip Xhaka, Naim Ismaili, Aulona Syla dhe Hyzer Rizani. Ata vizituan shtëpinë e Adem Salihajt dhe u takuan me vëllain e dëshmorit, Skender Salihaj, dhe me veteranë të Ushtrisë Çlirimtare të Kosovës (UÇK).
Në një atmosferë të ngrohtë dhe bashkëbisedimi, pjesëmarrësit diskutuan për hallet dhe problemet me të cilat përballen veteranët, invalidët dhe familjet e dëshmorëve të UÇK-së. Hasani theksoi rëndësinë e mbështetjes për këto kategori të shoqërisë dhe angazhimin e tij për përmirësimin e kushteve të tyre.