[wp-story]

Lajme

Nagavci: E presim Hotin në Kuvend javën tjetër, le të anulojë takimet me Vuçiqin

Nagavci: E presim Hotin në Kuvend javën tjetër, le të anulojë takimet me Vuçiqin
23:57 | 23 Shtator 2020

Kryeministrat Avdullah Hoti dhe Edi Rama janë pajtuar për shtyrjen e mbledhjes së përbashkët të dy qeverive, e paraparë këtë të premte, për datën 2 tetor, për shkak të raportimit të kreut të ekzekutivit kosovar në Kuvend.

E shumë nga opozita kanë reaguar pas kësaj, edhe nënkryetarja e  Kuvendit nga radhët e Lëvizjes Vetëvendosje, Arbërie Nagavci, e porositi Hotin që të mos e përdorë arsyetimin e raportimit për punën 100-ditëshe para ligjvënësve me shtyrjen e takimit.

Nagavci nëpërmjet një postimi në Facebook thotë se e presin Hotin në Kuvend javën tjetër nuk ka nevojë që të anulojë mbledhjen e përbashkët të qeverive por takimet me Vuçiqin.

Postimi i plotë i saj:

Si inicuese e kërkesës për të thirrur në raportim zt. Avdullah Hoti lidhur me 100 ditëshin e tij, e presim në Kuvend javën e ardhshme. Nuk ka nevojë që të anulojë mbledhjen e përbashkët me Qeverinë e Republikës së Shqipërisë.

Përkundrazi.

Nëse zt.Hoti do të anulojë diçka, le të anulojë takimet me Vuçiqin me arsyetimin se nuk ka mandat nga Kuvendi për koncesionet që po i bën Serbisë dhe se duhet të raportojë para deputetëve. Me këtë anulim të takimit me zt.Vuçiq, të paktën do të kishim një dëm më pak nga shumë që tashmë kanë sjellë.

“M Sillosi” S’ka nëvojë për panik, grurë ka me bollëk

Të tjera