[wp-story]

Lajme

Mustafa: Korrupsionin s’mund ta luftojnë ata që shpërndajnë lajme të rreme

Mustafa: Korrupsionin s’mund ta luftojnë ata që shpërndajnë lajme të rreme
17:53 | 05 Shtator 2019

Kreu i LDK-së, Isa Mustafa ka kërkuar nga oponentët politikë që të mos shpërndajnë të pavërteta për kandidaten e partisë së tij për kryeministri, Vjosa Osmani.

Nuk ka përmendur emra, por aludimi është në PDK-në.

“Nuk e luftojnë korrupsionin ata që shpërndajnë lajme korruptive; nuk e luftojnë korrupsionin ata që kanë para të vjedhura për të paguar ekspertë të gënjeshtrave”, ka thënë Mustafa.

Më poshtë mund ta lexoni më poshtë:

Ka filluar keq!

Mos veproni me mjete te ulëta, e mos u shërbeni me gënjeshtra e montime kundër znj. Vjosa Osmani, kandidate për Kryeministre nga LDK.

Nëse keni kurajo, garoni me mjete demokratike, mos shpenzoni para për ekspertë e prodhues të gënjeshtrave nga vendet e tjera.

Gara jonë duhet të jetë garë fer, demokratike, e argumentuar dhe jo fushate e militantëve që shpërndajnë akuza e gënjeshtra të rrezikshme për kandidaten tonë dhe të dëmshme për vendin.

Nuk e luftojnë korrupsionin ata që shpërndajnë lajme korruptive; nuk e luftojnë korrupsionin ata që kanë para të vjedhura për të paguar ekspertë të gënjeshtrave.

Nuk e luftojnë korrupsionin ata që ushtrojnë ndikim te organet e drejtësisë për të hapur procese gjyqësore për njerëzit e kundërshtarëve politik në kohën kur fillon procesi zgjedhor. Këtë e bën vetëm shteti i kapur dhe kapësit e shtetit. Por, çdonjërit do ti vjen koha dhe momenti të japë përgjegjësi.

“M Sillosi” S’ka nëvojë për panik, grurë ka me bollëk

Të tjera