Gjuha:
×
  • Lajme
  • Lajme

    Mustafa komenton deklaratën e Kosnett për Asociacionin, thotë se tani “trimat e dhunës e kanë fjalën”

    FrontOnline
    2 vite më parë

    Ambasadori i Shteteve të Bashkuara të Amerikës, Philip Kosnett ka deklaruar gjatë ditës se Kosova e ka detyrim ta formojë Asociacionin e Komunave me shumicë serbe.

    “Unë mendoj se Shtetet e Bashkuara me të vërtetë besojnë se Kosova ka një detyrim për ta formuar Asociacionin e komunave me shumicë serbe. Historia nuk filloi në ditën kur u formua Qeveria e Kurtit, dhe ne besojmë se vendet kanë detyrimin t’i respektojnë marrëveshjet dhe zotimet e bëra më parë… Unë e di që disa njerëz kanë thënë që ne kemi bërë mjaft kompromise, i takon dikujt tjetër të bëjë kompromis. Nuk është një mënyrë shumë produktive për të ecur përpara”, tha Kosnett për Radio Kontakt Plus.

    E, deklaratat e ambasadori Kosnett i ka komentuar ish-kryetari i Lidhjes Demokratike, Isa Mustafa.

    Mustafa në një përgjigje për FrontOnline ka thënë se Asociacioni është detyrim që rrjedhë nga Marrëveshja e Parë e vitit 2013, e ratifikuar me Ligj me votat e 2/3 të deputetëve, atëkohë, si Marrëveshje Ndërkombëtare.

    “Është detyrim që rrjedhë nga Marrëveshja e Parë e vitit 2013 e ratifikuar me Ligj me votat e mbi 2/3 të deputetëve si Marrëveshje Ndërkombëtare. Edhe Gjykata Kushtetuese me Aktgjykim, ka konstatuar se kjo Marrëveshje ( e vitit 2013) duhet të zbatohet”, ka thënë Mustafa, për FrontOnline.

    Sipas tij, Qeveria Kurti ose duhet ta anulojë Ligjin mbi ratifikimin e Marrëveshjes së parë, ku sipas tij, parashihet themelimi i Zajednicës së Vetëvendosjes (kur ishte në opozitë) dhe tani të Asociacionit (kur është në pushtet), apo ta implementojë atë.

    “Tani Qeveria ose duhet ta anulojë Ligjin mbi ratifikimin e Marrëveshjes së Parë, ku parashihet themelimi i Zajednicës së VV-së ( sa ishte në opozitë) e tani Asociacionit, (kur është në pushtet) ose ta implementojë”, tha Mustafa.

    E, duke folur për marrëveshjen e Asociacionit, Mustafa ka thumbuar Lëvizjen Vetëvendosje, duke thënë se tani “trimat e dhunës e kanë fjalën”.

    “Ambasadori Kosnett në emër të SHBA-së po thotë se duhet ta implementojë, sepse si e mora vesh po i thotë që historia s’ka filluar me ty ( as nuk mbaron me ty). Tani trimat e dhunës e kanë fjalën”, ka deklaruar Mustafa, për FrontOnline.

    Themelimi i Asociacionit të Komunave me Shumicë Serbe është paraparë me marrëveshjen e Brukselit ndërmjet Kosovës dhe Serbisë të vitit 2013. Asociacioni i Komunave me Shumicë Serbe parashikohet që të mbledhë rreth vetes dhjetë komuna në Kosovë ku shumica e popullsisë janë serbë, të cilat janë Mitrovicë e Veriut, Kllokot, Partesh, Ranillug, Graçanicë, Zveçan, Zubin Potok, Novobërdë, Leposaviq dhe Shtërpcë.

    Asociacioni ka për qëllim të përfaqësojë interesat kolektive të atyre komunave, në veçanti në fushën e arsimit, shëndetësisë, planifikimit urban dhe rural si dhe të ekonomisë./FrontOnline

     

     

    Si të kurseni mbi 350 kilovatë/orë në muaj me një investim të thjeshtë, tregon Idriz Ferati, drejtor i Auditimit në…
    Nga Rubrika
    Lajme29 Mars 2023
    Deputeti i VV-së, Arbër Rexha, ka thënë se nëse Gjykata Kushtetuese e rrëzon Presidenten për shkak të ankesës së ish-deputetit të minoriteteve, Veton...
    Lajme29 Mars 2023
    Mot stabil ditëve të ardhshme dhe rritje e temperaturave.  Në fundjavë ndryshueshëm, priten edhe rrebeshe shiu me bubullima. 29.03.2023 – Mot më...
    Lajme29 Mars 2023
    Ministri i Qeverisë Kurti, Hajrulla Çeku derisa foli për aneksin e zbatimit të marrëveshjes me Serbinë, tha se edhe mund të bëhet...
    Të tjera
    Lajme29 Mars 2023
    Ish-gjyqtari i Gjykatës Kushtetuese, Kadri Kryeziu, vlerëson se gjyqtarët dhe prokurorët në Kosovë janë të nivelit evropian. Kryeziu, në Rubikon në Klan...
    Bota/Rajoni29 Mars 2023
    Një ngjarje e rëndë ndodhi pasditen e sotme në qytetin e Kavajës, ku mbetën të vdekur dy 43-vjeçarët Edmond Gosa alias Armand...
    Lajme29 Mars 2023
    Kryeministri Kurti në emisionin Debat Plus ka folur për vendimin e Gjykatës Kushtetuese pasi e shpalli të pavlefshëm Ligjin për Ndryshimin dhe...
    Sport29 Mars 2023
    I ftuar sonte në emisionin Pressing në Televizionin T7 është Ministri i Ministrisë së Kulturës, Rinisë dhe Sportit, Hajrulla Çeku. Ndër tjera,...
    Bota/Rajoni29 Mars 2023
    Ashtu edhe siç ishin pritshmëritë, makina e parë elektrike turke pritet të jetë një sukses i vërtetë dhe këtë e tregojnë dhe...
    Kronika29 Mars 2023
    Një 66-vjeçar është gjetur nga familjarët e tij pa shenja jete në shtëpi. Ngjarja e rëndë ka ndodhur në Prizren. Rastin e...

    FrontOnline, © 2023 Të gjitha të drejtat e rezervuara.