Ka përfunduar takimi në mes të kreut të LDK-së, Isa Mustafa, atij të AAK-së, Ramush Haradinaj dhe kryetarit të Nismas, Fatmir Limaj.

Kryetari i LDK-së, Isa Mustafa deklaroi se Ligji për Buxhetin për vitin 2021 dhe Ligji për Rimëkëmbje Ekonomike ishin dy temat kyçe të diskutimit, raporton Front Online. “E kemi parë të udhës që të ulemi dhe të diskutojmë me partnerët e koalicionit për Ligjin për Buxhetin për vitin e ardhshëm dhe për Ligjin p[ër Rimëkëmbje”, ka pohuar Mustafa.

I pari i LDk-së mohoi se në këtë takim të jetë diskutuar për çështjen e presidentit dhe për mocionin e mosbesimit.

“Ne nuk kemi diskutuar as për postin e presidentit dhe as për mocionin. Ne e kemi presidentin në zyre dhe me mandat”, ka thënë ai.

Mustafa paralajmëroi se në rast se nuk arrijë marrëveshje për pozitën e presidentit, partnerët janë të gatshëm që të shkojnë edhe në zgjedhje.

“Të gjithë ne jemi të gatshëm që të shkojmë në zgjedhje në rast se në afat kohorë nuk mund të arrijmë marrëveshje për çështjen e presidentit”, ka thënë Mustafa. /Front Online.

https://www.facebook.com/FrontOnlineMedia/videos/799831650837778/?v=359506321928397&notif_id=1603458290899154&notif_t=live_video_explicit

https://frontonline.net/takimi-i-partnereve-te-koalicionit-haradinaj-tregon-se-cfare-u-diskutua/